有咩病唔做得地勤？

個人建議你如果真係好想好想入職做地勤, 就唔好報, 因為甲狀腺過高o既人會好易累(比人感覺抵抗力就弱會好易病添!), 係會令人懷疑你會唔會捱得到呢份工!? 或者我解釋下個body check情況, 同埋一o的經驗, 你再決定....

一般見地勤, 有部份非航空公司地勤, 係唔需要做入職前驗身(好似Jardine). 咁對你來講, 問題唔太大.

但若果你見好似CX地勤, 係要做職前驗身, 基於地勤個職位唔洗接驗食物, 所以唔洗驗血(普通驗小便就得), 化驗中心要求你填一份表, 問清楚應徵者有無嚴重疾病, 到所有驗身程序做完, 會再見醫生, 醫生會再問清楚你有無嚴重疾病, 而且接二連三問你, 份工好辛苦, 好長工作時間...

有一個例子, 就係有一個已經入職地勤o既女仔, 原來都有甲狀腺高呢個問題, 但佢做body check時因為認為唔係屬於好"嚴重疾病", 就無報到(唔知佢有心定咩, 總之無報到, 醫生問好多o野打擊佢都拍晒心口話應付到).

但另外一位有同樣問題o既應徵者, 佢係驗身就報左, 都去到見醫生o個part, 個醫生就同佢講, 你做呢份工對個病唔好, 之後要求個女仔去睇開甲狀腺o既醫生取回o的相關病歷紀錄同報告...o個個女仔就慘, 花錢交晒報告(因為要o個o的報告係要比錢!), 之後body check完兩個星期收到信通知fail埋.(真係過五關斬六將, 因為唔休無人見CX, 就算應徵者到body check個關都可以fail無原因)

***希望資料幫到你就好嗽! 你自己衡量下報唔報. 祝你好運, 早日達成入職地勤心願!!!!

最大問題是公司醫療保險是否願意「保」你。甲狀腺過高原則上問題不大, 但若因甲狀腺過高而導致你疲倦, 未能完成工作/當值, 甚至要常常覆診, 便會有影響。