墓碑上寫的字有些不明解？似古文

呢種寫法通常係由該名先人的子女或後輩立碑的; 先顯或先妣, 通常係指母親, 先孝或先嚴則指父親.
立碑者因為父親或母親過世, 為表敬意及讓人知道父或母親已經仙遊, 所以, 要尊稱為先孝或先妣, 之後就寫XXX(姓和名). 又或者, X門X氏XX夫人之墓, 例如, 先妣陳門楊氏麗花夫人之墓, 意即陳先生的母親過咗身, 因為出嫁從夫, 故此從夫姓(陳門), 但佢本姓楊, 所以稱為楊氏, 並載有其名字麗花, 最後就尊稱埋夫人的名份.
如果就咁寫XXX之墓, 除非該位先人真係冇人冇物, 冇親冇故或身份不全, 連立碑的後人或朋友都茫然不知, 否則, 都好少就咁寫算數; 寫得咁簡陋, 老老實實, 唔覺寒酸都覺得好陰功啦!! 而且, 如果立碑者又係後輩的, 咁對先人其實幾不敬架. 所以, 禮貌d都應該有尊稱至啱. 當然, 用的尊稱就要視乎彼此的親疏關係及身份啦.

墓碑要有人幫先人立的,注明先人與立碑者的關係.