點解我隻松鼠狗會甘架?.............唉....!

首先松鼠狗既脾性就係比較挑皮，活躍好動，而且愛吠．所以你所講佢既習慣係正常，因為狗既品種問題．松鼠狗雖然細細隻好嬌小可愛，但係佢地既脾氣比一般細狗比較【勇】．所以佢地就算遇到身形比自己大好多倍既人/ 狗都毫無懼色． 照吠可也~ 但實際上只係得個樣... 因為佢地天生尚算溫順，所以好多時都係虛張聲勢．比人鬧/ 比狗吠番轉頭果時佢地就會縮/ 走. XD

１. 當你帶佢落街果時佢會亂吠人/ 吠狗.. 其實係因為佢比較少接觸陌生人/ 狗既關係．所以每當佢落到街遇到陌生人/ 狗既時候，其實佢吠係表現緊佢既不安．呢個問題較難改善，因為係自小培養出黎既問題．不過．．你可以嘗試下比佢接觸多Ｄ你相熟既朋友，同埋Ｄ朋友一齊帶佢出去玩，令佢對人既戎心減低 (當然首先要確定你朋友唔會驚佢, 又或者你隻狗狗唔會咬人) ．咁時間耐左既時候，狗狗自然會開始對人既戎心減低．．唔會見到陌生人就不停地吠

２. 其實狗狗由２～５歲都係佢地最活躍既時間，就好似人既１２～１８歲咁 (直接D 黎講, 係會有少少反叛) ．好似你所講佢明知要去邊到ＷＣ，但有時都會去錯地方『解決』．其實佢地同人一樣，係呢個時期會間唔中做Ｄ事引你注意佢，想你關心下佢．香港人生活較忙，所以好多人都好難抽到時間陪佢地散步/ 玩玩具． 對於人黎講呢Ｄ野好似好煩，好無聊．但對於狗仔黎講，佢地一生中就只有食，訓，玩呢３件事可以做．你稔深一曾，佢地有能力去做既野太少，佢有無曾經要求過你去買Ｄ咩比佢？其實狗仔好易滿足．就算你話無乜時間帶佢地去街都好，只要一日裡面抽５～１０分鐘陪下佢玩玩具，幫佢掃下肚仔，掃下背隻佢已經好開心架拿．對於人黎講"Ｒ"痕有幾難，但你稔下．．你屋企隻狗仔佢地有幾多毛，有幾多地方自己Ｒ唔到．哈~ 呢個係你能力範圍一定做到既事...也是關心佢既一種

３. 其實狗好敏感，佢地好易感受到主人既情緒起伏．其實當佢感受到主人既情緒較差果時，狗仔既情緒都會變得緊張起來．可能好小既事就會攪到佢不停咁吠．原因係佢地就係知道你情緒低落既時候，想盡佢自己既能力去保護你，想盡量避免有其他野影響到你．雖然佢地係出自一片好心，但係佢唔知佢自己咁樣反而惹人生厭＝＿＝"

４. 用打黎教狗仔似乎係最多人既做法．但打時你都要比ｄ耐性去教佢，唔可以成日好暴燥咁對佢．如果唔係你隻狗仔就好易神經質．．．仲有最緊要既係，當佢一做岩既時候你一定要讚佢．其實狗仔同人唔同，佢地只會記住ｄ開心既野，而唔開心既野就用好少memory 去記． (如果人都可以咁就好^^")．道理同做人一樣，比人讚既時候一定會開心ｄ，易記ｄ 吧~


最後，一定要面對/ 改善你屋企人同狗狗既關係．如果狗仔遇到ｄ愈怕佢既人，而且仲要係長時間係狗仔身邊既屋企人．狗仔同你屋企人都因為關係差所以怕左對方．但係咁樣做反而會令狗仔愈黎愈變得神經質，如果再唔改善好呢個情況，到左狗仔５～６歲，差唔多成年既時候就好難改變佢ｄ習慣ｌａ～ (難 = 要花多更多時間落去教, 唔係等於改唔到)

其實你係佢生命中唯一既依靠.... 佢『百嚴』唔代表佢唔愛你. 佢雖然係你生命中既其中一個寶貝, 但你卻係佢生命中既一切... 希望可以幫到你啦. 努力吧^__^

(以上一切係本人養狗１３年既心得... XD)

我前後加埋都養過4隻松鼠, 係比較貪玩好勝, 當甘心順服於你時, 就會很忠心, 保護主子. 可能你之前比較多時間陪牠, 而家少左時間, 就會發脾氣. 但你只要每日都放佢出黎比佢親近你, 就算唔落街都可以好乖, 切勿有太大的轉變, 狗仔始終不善變, 牠會用任性的方式去解決(當然佢覺得這樣做是對的!) 多點同佢傾下計, 狗仔對說話高低音好敏感, 溫柔摸住佢個頭去讚牠: 乖仔啦!

2008-08-07 16:59:38 補充：
佢唔會無lala吠, 吠得就一定有d事令牠感到不安, 你要首先了解左佢有d咩事要吠先, 唔好郁d就打佢鬧佢, 你要問問佢, 等佢望住你, 你會feel到佢真係有事要搵你幫手, 定係純粹發牙痕, 如果佢是因為想吠而吠(姐係你無教佢唔可以吠), 咁你就應該用手指彈佢個咀仔, 指住佢, 大聲少少, 同惡d咁鬧佢, no! 唔準! 打死! 基本上次次鬧佢的句子都要一樣, 咁樣狗仔先知道原來唔做得... 希望幫到你la~~

唔好唔要佢啦...
佢會唔開心咖,..!!!
我個隻係女仔...
可能男仔係會吵d咖...
你要慢慢黎啊...
有d咩事都唔好唔要佢...
狗狗佢地都會好唔開心咖...
唔好唔要佢啊...

可能因為你無時間陪佢, 佢為左要你注意佢,所以佢就周圍痾引你注意佢. 我以前隻狗都係咁架, 但你陪佢多d就唔會.松鼠天生係鍾意吠架係比較嘈d, 佢連屋企人返黎都吠架, 但真係無辦法架.