我有隻爛牙, 醫生叫我杜牙根, 是否一定要杜?

杜牙根其實係杜死咗你隻牙嘅神經線,咁之後隻牙唔會再痛(因為你隻牙已經死咗)。

如果你隻牙已經蛀得好嚴重,咁有啲醫生係會建議你杜牙根。因為隻牙蛀得好嚴重嘅話,就算同你補番隻牙,好容易會磨損,同會繼續落去你d牙肉,可能引起其他牙周病、牙齦炎呢d病,會影響埋其他牙齒,嚴重嘅話係會死嘅(當然唔係一隻牙爛咗就死得咁簡單)。

杜牙根後你隻牙就算於死咗,但又有隻牙腳喺度,咁就唔會影響你其他嘅牙。如果就咁剝咗隻牙,其他嘅牙會鬆同走位。而如果你要鑲牙嘅話,一次要做三隻,應該係仲貴tim。
至於杜牙根你嗰個已經好平,我幾年前做都要差唔多4千蚊(但呢樣嘢又未必係平嘅好,我再之前做咗一個牙套,點知幾年後斷咗)。

如果你覺得你隻牙唔係好嚴重,咁你可以拒絕佢,叫佢同你補番就算。

2006-11-08 11:34:43 補充：
我嘅經驗同上面嗰位唔係幾同,我做過唔同嘅醫生,都係將原先嗰隻牙磨到好細,挑走咗牙內面嘅神經線,之後再做個牙套冚住隻已經磨細咗嘅牙。成過過程都要去幾次ga。

杜牙根係因為本身隻牙蛀左, 牙醫同你補番
跟住入面再蛀, 可以就要杜牙根。

我聽我朋友講, 杜牙根都幾痛架(頭o固幾次!) 因為要塞粒藥丸落你隻牙個洞度, 杜死哂d牙根, 之後再補番隻牙。

其實你可以選擇脫左佢, 但係你怕唔怕無左隻牙先, 你怕唔怕核突。唔怕既話, 咪同醫生講叫佢幫你脫左佢囉(脫前你要問下佢意見!)

最後, 杜牙根個價錢都係咁上下啦, 都幾貴架。