購買露營用品注意事項

購買露營用品，其實唔需要太擔心買到D二手野或渣野，只要你去D售賣露營用品的店舖，佢地都係做生意，唔會靠搵人笨賺錢，所以可以放心。至於可以去那些店舖，可以看一些網址：http://www.hk-basecamp.net/Information/Shopping.php
http://www.taichungsports.com.hk/camp.html
http://www.shopeasy.com.hk/catalogCA_0000002__b5.html
同埋Yahoo+知識http://hk.knowledge.yahoo.com/question/?qid=7006101204699。
不過睇你咁問，就有些觀念要你攪清楚，因為知你想買名牌露營用品，或者所謂專門的露營器材。其實在香港有好多專門器材是用不著的，所以就唔好諗要D咩專門器材，即是唔好見貴就覺得好野，這點不是話對方搵笨，賣貴野俾你，而是一份錢一份貨，高價品是有其實用價值，不過在香港用不著，例如買睡袋，有些牌子過千元一個，因是羽絨料，品質高，零下溫度同雪山都頂得到，不過香港有幾何有落雪同低過零度先？係香港，我都係用百多元一個睡袋都得啦。
而你是新手，買露營用品更應該睇價錢買，不過不是買貴而是買平，因為新玩，你都未知自己會玩幾耐，同會點玩法，買晒貴裝備之後無興趣玩就好浪費，而且到你知自己適合用咩裝備時就發覺之前買的貴野唔合用，唔知要唔要好。
仲有買名牌不是合適方式，因為你自己未必熟悉用，識用的定義是識用同識保養，唔係用一兩次就損壞，就話名牌唔得就好冤枉啦。其實初初玩唔需要名牌、專門同貴價，一些日常用品都可以用，如電筒，一般電器鋪十多廿元一個電筒已好好用，你玩開有興趣先去露營店買百多元一個頭燈啦！
買背囊介紹你月尾工展會，盈威公司買的背囊百多元一個、睡袋七八十元一個，其實好實用，而且價錢平，初玩最好買這些，因為平，無經驗用壞了唔覺肉痛，之後有經驗就識選合自己用的裝備啦。

個人認為露營用品可以話一分錢一分貨，如果唔想買渣野而有多餘錢0既跟牌子買啦。當然有d真係又平又實用0既，但係除非你對呢方面好有認識，否則都好難搵倒。至於唔想買二手野，你最好都係去d大行買，即係旺角0個d大行，信譽良好0既都唔會賣二手野比人。
檢查方面，買營多數都唔會比你0係鋪入面起泥檢查，惟有返屋企起泥check。留意d線口位，有無"被"口或者甩線之類，睇清楚成個營有無穿，即使一個比針整穿0既口，上到山都可以好大獲，營骨有無裂，總之有任何有可能令你個營受唔住風吹雨打0既，就拎返去換。(一個似樣0既營會發覺成個營d車線係直，有fd識過0係大陸買營，個樣好靚好pro，但係d車線S形0既)
睡袋地蓆就無咩特別，都係睇下d拉鍊順唔順呀，有無穿呀，充氣地蓆就睇下個充氣口會唔會扭唔實啦。
電筒都係無咩特別，檢查都係睇開唔開倒je，有d會包埋後備燈泡，睇下有無唔見啦。
背"狼"反而有地方要注意，個樣唔靚可以買個靚d 0既rain cover遮住，但係就一定一定要舒服，唔同牌子0既袋可能適合唔同身形0既人，買0既時候咩上身試，試之餘叫售貨員比d重野你放入袋試，其實好多鋪頭都有沙包for人試背"狼"，但係d客唔出聲佢地就梗係唔會拎出泥啦，試問一個吉0既背"狼"咩上身實覺得無問題ka。較好晒d帶之類0既野覺得ok，個袋唔會左搖右擺先好買，若然職員話無重野比你放入袋試，咁我勸你唔買好過，唔係話串，而係真係有咁0既需要。
其實揀露營用品呢下野，靚唔靚唔係最緊要，最緊要係0岩唔0岩用。若然0岩用0既，渣野又如何，大不了用幾次爛左買過個，但係若然唔0岩用0既即使係成身名牌都係晒錢。所以最先你要了解自己真正需要d咩，營都分好多隻，你係純粹去玩露營定會咩住個營行山先，睡袋你今次就冬天去買個五度0既，咁下次秋天去十五六度唔通又買另一個，電筒都分頭燈同手電筒，你又會唔會行山呢，即使唔行用個手電筒但係你露營洗碗時係咪用單手洗呢，頭燈方使d但係光度又唔夠手電筒強喎。同埋你係新手，你會唔會長玩落去先，若然唔會0既話，係咪都係一次起兩次止，梗係買最平0個d啦。其實要講真係有排講，如果有咩唔明0既可以同d售貨員傾下。以上全屬個人意見。

首先就當然係去一d信譽比教好的專買店度買啦,
係旺角及油麻地都有一D樓上鋪,個D價錢就會平D
買呢d野的時候如果有得試就梗係試下或者check下啦,如果冇穿冇爛,都唔係大問題的
營帳的就睇下你要買幾大同埋邊種了,普通D的就選蒙古包啦,再專業D的先選D有特別設計的營帳;
至於電筒了喎,就睇下你要求咩類型了,你係去野外的就要準備一兩支電筒啦,咁我自己就慣左準備兩支的,一支就係MAGLITE,另外一支就係細支d的,夾係條腰度,好似花園街或者廟街成日都會見到,想買靚的當然去專門店買啦,至於支電筒個燈泡係LED定係錫英燈泡就睇你喜好啦....LED就耗電量低D,光度不算好光,但一段都會名夠用,至於鍚英膽呢就比教光,但同時亦耗電量大;
另外如果係的準備一個頭燈都會方便好多,雙手不得閒的時間就最幫得手
(本人建議行夜山盡量不好開燈,開燈會令到自己的瞳孔收縮,若然忽視間冇左電,就會有短暫的視覺失明,導致睇不清楚路面,行夜山如有月光靠月光都足以照路,古語有云:黑泥,白石,反光水)

http://www.hiking.com.hk/