昂平纜車見到的墓地

昂平纜車見到的墓地

今日搭昂平360纜車
沿途見到好多墓地，其中有一個好矚目。
呢個墓好大，好企理，絕對無雜草叢生。景色開揚，好有氣勢。我唔識風水都覺得呢個墓好風水應該好得！
我同朋友係度估，建呢個墓既後人仲應該比較富有。因為果度常人無可能達到，係昂平救援徑附近有另外一條小路到達呢個墓。應該係後人開闢以便日後拜祭。試想像一下以前未有昂平纜車，真係好偏僻，唔自己開路，一個禮拜後都未必認得返條路。而要開呢條路，又需要好多人力物力。
車內有其他人見到呢個墓都嘩嘩聲：嘩!係邊位有錢人既墓黎架？好大個好好風水呀。
呢個墓真係好觸目。但昂平纜車實在太接近呢個墓，後人/風水師又會唔會估到，咁多年後呢度會變成昂平纜車既其中一條路線？其實昂平纜車亦都對果帶山頭既先人有點騷擾的。
有無人知道我講邊個墓呢？
如果有人知關於呢個墓既資料，可以分享下嗎？