我又好想有人安慰.....

家庭及人際關係 其他 - 家庭及人際關係
2006-11-08 1:15 am
點可以唔好甘鍾意一個男仔啊.........??
之前我都開post講過......
見住佢追我的死黨...........已經令我好傷心........
我知自己唔應該晚晚係度喊....
但真係忍唔住...
當我同我死黨傾緊計......但係我鍾意個個男人就拍佢膊頭同佢玩.......
我死黨病左....佢係咪問佢有冇事...日日都問.....
但係我呢?我病到暈左係家,有人理我嗎?
好好好傷心....但係我鍾意個個人對我都ok........
今日我朋友仲同我講.......呢排我鍾意個個人成日都特登經過我死黨個班房望佢....
聽完我真係好想喊.......
但我唔想比人知我唔開心......更加唔想比我鍾意個個人知我唔開心...
如果唔係佢一定tum我,問我咩事.........安慰我....
我驚我到時會忍唔住係佢面前喊.........
但我次次見到佢they2個一齊都好傷心...
更新1:

我死黨..... 唔知我鍾意個個男人鍾意佢的

更新2:

我死黨..... 唔知我鍾意個個男人鍾意佢的

回答 (8)

2006-11-08 1:21 am
✔ 最佳答案
其實...
鍾意一個人...
佢開心咪得囉...
你自己唔能夠同到你自己鍾意嘅一齊...
都望你鍾意嘅同到佢自己鍾意嘅一齊啦...

做人放開啲有時都係好事黎架...
參考: 自己
👍 0 👎 0
2006-11-08 1:37 am
其實都唔需要咁傷心。聽落你應該仲細，大把世界啦！！
單戀係好辛苦，我都明白係你自己控制唔到，所以都唔想敷敷衍衍咁叫你唔好再鐘意佢。有時啲嘢係要時間。當你生命／生活有新嘅衝激時，你就會慢慢唔記得咦個人。
單戀有邊個未試過，係成長嘅一部份。經過緊嘅時候，會覺得辛苦，忐忑，但始終都會過。
大個咗你就會懷念你自己曾經咁鐘意一個人。

留返你嘅愛比一個識得同直得嘅人！每個人嘅愛都好保貴！最緊要係保持開心，開心嘅人先會人見人愛！！！笑一笑，辟自己唱首開心嘅歌，心情會好啲（心理學家講嘅，我本人試過，真係 work．．．無講大話～）
👍 0 👎 0
2006-11-08 1:36 am
小朋友, 感情係冇得勉強的. 不過, 我唔知係你講得唔清楚, 定係我老眼昏花咯; 我覺得你死黨同果個所謂你鍾意的人, 只不過係表現較親熱, 但唔見得係拍拖喎. 其實, 你個死黨係咪已經接受咗果個人, 抑或, 佢只係同果個人較好傾咋?
你又話, 如果畀你鍾意果個知道你唔開心, 佢一定會問你咩事, 又會安慰你... 咁到底你地而家的關係又點呢? 好混淆. 所以, 我只能講, 感情冇得勉強; 如果人地真係成為一對的, 而果個又係你的死黨, 及你鍾意的人, 你應該戥佢地開心. 兩個都係你鍾意的人, 能夠係一齊, 係佢地的福氣同緣份.
至於你, 可能同果個人緣薄, 所以唔能夠一齊. 之不過, 係你的就係你的; 邊個知道將來的事呢? 唔好因為而家一d唔屬於你的嘢, 就令自己意志消沉或者唔開心. 更何況, 你應該仲係學生, 仲有好多時間同青春, 與其係度傷春悲秋, 為一個同你冇緣的人而傷心, 不如釋放自己, 做個開心快活人; 我覺得女仔開心活潑, 先得人鍾意架!!
所以, 如果我叫你努力讀書, 你可能根本冇法子讀得入腦架啦, 倒不如叫你開心做人好過; 一個人開心, 個樣都charming好多架! 佢唔識欣賞你的好處唔緊要, 仲有其他惜花者架嘛!! 所以, 唔好再傷心啦! 當然, 要做到完全冇事並非一時三刻就得; 時間係最佳的療傷藥, 亦係最好的證明. 總之, 無謂嘢就無謂想啦, 知冇?
👍 0 👎 0
2006-11-08 1:28 am
我都明白見明明自己鐘意ge人
偏偏就對你個fd好雖然我未試過
你都好無助
但我次次見到佢they2個一齊都好傷心{傷心}
就一定有嫁la要忘記佢就更難
你不如就諗佢開心,你自己都開心你鐘意佢都想佢開心呀嗎
可能你會諗我又點邊個會理我我相信一定會有人真心關心你
係唔開心可以同人講如果唔知點ge仲可以搵我.我一定聽你講ge
👍 0 👎 0
2006-11-08 1:26 am
如果他們大家都互相愛大家的. 為何你不放下而默默祝福他們?
一個是你的好死黨, 另一個是你愛的人.
只要你肯放下,整個心情都會好舒服.
在我小時也曾經試過.
希望你能想通.
👍 0 👎 0
2006-11-08 1:25 am
咁你都很難做呢！
我覺得你依家唯一可以做的，便是多D想佢的缺點，
唸到佢有幾壞得幾壞，咁樣，可能會令自己冇咁鐘意佢。
又或者令自己很忙，只顧著讀書，唔好唸感情事。
👍 0 👎 0
2006-11-08 1:24 am
唔好咁啦.....

佢唔中意你....

咁你就放手啦...

咁會令自己舒服d架...

女人..要做一d令自己開心既野先得架...

唔一定要靠男人定ma...

你要搵一個好過佢既男仔...

放低自己對佢既感情....

時間..可以沖淡所有野架...

一定要放低佢....

加油..你一定得架...
參考: 自己
👍 0 👎 0
2006-11-08 1:24 am
如果你想不喜歡他那麽多，最好就是令到那個戀戀不捨的感覺消失。我建議你不停的想着他的缺點，一般情況上你應該會越來越恨那個人，最後應該是每次見到他們兩個就覺得好高興，而不是好傷心，或者嫉妒。可能是吧，maybe...
👍 0 👎 0

收錄日期: 2021-04-29 18:40:18
原文連結 [永久失效]:
https://hk.answers.yahoo.com/question/index?qid=20061107000051KK02236

檢視 Wayback Machine 備份

　
　
　
　
　
　
　
　
　
　
　
　
　
　
　
　
　
　
　
　
Ans.fyi 參考答案 - 知識平台 © 2024 條款免責 私穩政策