点样煮鸡柳煮得好

想雞柳煮得唔鞋, 首先你選料時要留意返, 市面上買到一般雞柳多數係雞胸肉, 點煮都好難好食, 你應該買雞脾肉(你去凍肉檔, 話要雞脾起骨就得), 你自己返去起皮去肥, 洗淨, 切雞柳狀...

至於醃法, 其實因為雞脾肉只要用一般醃料, 點炒都滑. 但有人教過以下方法, 你可以參考下:

1. 有人教用蛋白醃, 但要視乎雞柳份量去落, 要醃超過45分鐘, 等雞柳吸收晒o的蛋白, 否則炒出黎會結埋一堆.

2. 用多少少生粉, 加少少水, 連其他調味料去醃雞柳.


***希望幫到你手煮得o的雞柳又滑又好味就好嗽!!!!

我會用蛋白醃; 放少少鹽同胡椒粉, 再加生抽同少少油, 搞勻就落半隻蛋白, 再加少少水完全拌勻, 醃半個小時.
我唔會落粟粉, 費時漿住d蛋白. 仲有, 醃料的程序, 一定係先將d乾的(鹽同胡椒粉)放入雞肉, 再放d濕的(生抽、油及蛋白), 因為d乾料可以真正滲入肉內, 再放濕料就係有潤滑以至包裹住d乾料; 用蛋白既可以潤滑雞肉的纖維, 又可以將d調味料封緊係雞肉入面, 保證夠味.
加少少水, 係增加煮食時的濕潤度; 我最鍾意用微波爐蒸雞柳, 例如蝦醬蒸雞柳. 加水可以增進雞柳的濕度, 就算我唔用蓋或微波爐保鮮紙冚住, d雞肉都咁鬆軟滑溜架!!

用雞脾起肉最好，煮起來好嫩，醃雞柳時可以加一些蛋白，粟粉、紹酒，唔好炒得過熟。