我想知其實個男仔係唔係鍾意我呢?

傻女,拍拖重來都係一個game嚟0架啦,當然愛或者喜歡會包括係裏邊,但係mainpoint係求開心,快樂.你搞到自己唔開心,成個生活,喜怒哀樂都圍住呢個人走,一定死硬啦!佢講到咁白'點解佢對我咁差我都願意同佢一齊',好明顯就係你鍾意佢多個佢鍾意你,(1)男人係hunter嚟,你咁快俾人知道你條底線,佢一定玩嘢.(2) rubber band 係男人0既性格,如果佢覺得自己同你太接近,佢就會突然拉遠距離, 入番自己個cave度,ready 再出番嚟應酬你,呢啲就解釋到點解男人忽冷忽熱, 99.99%男人都係咁,你千祈唔好諗住有soul mate呢家嘢,雖然感情呢家嘢唔可以放係個天秤度秤,但係人都係有feeling,唔可以吓吓付出,吓吓犧牲,唔係人人都係德蘭修女,遲早有一日你都會爆,最后咪不歡而散囉.touch wood,如果今次散咗,下次又可能重蹈覆轍,learn a lesson,如果佢咁樣,你就以平常心,不卑不亢0既態度面對佢,將佢佭grade到普通朋友級,因為我諗你哋係同事,用觀察0既態度嚟處理,你唔可以俾人再傷害你,如果你再跟住佢條軌嚟行,就算你講到自己幾慘,都無人聽你講. 佢發覺你無以前咁熱情,佢就會變番hunter追番你轉頭,重有你唔好諗住同你個boy fd share feeling, 99% 男人係無呢個機制0既(除非係追女王),佢會覺得你係度哦哦,講道理, 你用呢招啦, 佢問你做乜唔講嘢,你好無奈咁注視佢一陣, 等佢追問,你先講,重要三句起兩句至,咁樣佢先入腦, in conclusion,你都係要love咗自己先,咁佢先發覺你0既魅力.

"傻女,拍拖重來都係一個game嚟0架啦"我覺得呢位朋友o既諗法好過份,愛情根本就唔係一個game,點可以對愛情玩玩下呢?總之我好唔認同呢個答案 _

其實, 佢可能真係鍾意你既, 不過, 始終未可以完全忘記之前既女朋友; 我唔知佢同之前女朋友分左手幾耐, 亦唔知你等左佢幾耐, 不過, 我覺得你可以同佢傾下, 睇下佢係咪真係想同你一齊先, 如果, 佢根本無意思, 只係想係呢段傷心既時間有個人比佢慰藉既, 咁你就唔好再等佢啦! 只可以講係大家時間唔對; 但如果, 佢係想同你一齊既, 你不防比d時間佢啦, 同埋比d關心佢; 但都要提提你, 不要盲目去等, 去對佢好, 愛情始終是雙方的, 只有一方面既付出就叫苦戀啦! 你要比個時限比自己! 我老公以前都係咁, 佢剛分手, 我就係呢段時間對佢好好, 當然, 我都有個時限比自己啦, 不過, 真係無得迫, 亦唔急得, 佢同我一齊頭半年, 我都feel到佢個心唔係度咁架, 不過, 平時佢就對我好好, 後來, 佢先好d叫做投入左, 我同佢依家都一齊十幾年啦(結左婚都幾年); 所以, 你都不用太灰, 不過, 一定一定要睇清楚佢想點先, 佢無心同你一齊, 就算你等幾多年都係無用, 重浪費自己既青春; 女人既青春唔係有好多年咋, 要好好珍惜! 要自己愛惜自己!

其實你唔應該諗咁多，亦唔需要因為佢對你忽冷忽熱而唔開心!

我明白日日對住一個鍾意既人但係唔知佢諗緊咩，但係又好想知佢既想法
係好苦惱~不過，既然佢都對你坦白話唔係唔鍾意你，只係因為之前既事
，可能有某D事情諗唔通先會對你咁!你就唔應該去迫你得自己咁辛苦．

你而家最好係一邊陪住佢，一邊開解佢，令佢明白真正愛一個人係唔會因為佢點
對你而唔鍾意佢!而係會見到佢開心，你自然都會好開心;相反，佢唔開心，你亦會
陪佢分憂～你要係呢時間令佢慢慢放開，同樣呢段時間你地感情一定會比之前更好!

我男友對我都係時冷時熱。
我以前呢就唔理點都好啦，我咩都就哂佢，去行街見到有咩岩佢就買比佢。咁樣持續左二個月到。我發覺唔可以再對佢咁好，跟住我唔打比佢，佢打比我佢問咩我答咩，有日佢問我點解咁樣，我就將我既感受講左比佢知，之後既日子佢就對我好好啦。
你有冇將你既感受講比佢知呀？
如果你一路都唔開心，咁你地就唔可以長久架啦！

其實唔使多講, 做返你自己, 你是想對他好,便一直對他好吧, 你會知道的. 勇往直前吧. 他是喜歡你的, 只是等待和 觀察你吧. 看你會不會是沒有耐性的人吧.

2006-11-07 16:30:49 補充：
愛情既野就唔使計來計去. 你唔使理佢係唔係獵人. 獵人都係人, 獵人都會特別喜歡一樣動物而專門獵殺牠的.只要你做到獵人喜歡的東西, 就會被獵人喜歡的了.

2006-11-09 16:13:04 補充：
唔專重感情