事情是這樣的, 己經唔止一次了, 有六七次, 我己飲酒8年, 都好飲得, 好少醉, 我每次去飲酒都會不停玩不停飲四五個鐘, 就算點醉都番到屋企, 從來都未試過以下咁.
唔知點解, 近呢一年, 十次有五次飲到中段, 即飲到兩三個鐘, d酒精有d上腦時, 會同人傾計, 會抱怨人, 會唔開心, 但我個人無唔開心架, 只是我有時聽到有人說一些煩惱時, 例如阿哥個老婆對我阿哥好衰好衰, 我己知道半年, 但我平時對佢都好好, 但我有次飲酒時, 竟然同人講佢點衰點衰, 仲講成個鐘, 點知果個人識得我阿嫂的, 佢當然同番我阿嫂講啦, 有次佢同我阿哥嘈交, 嘈嘈下攞我做擋箭牌, 扮好人咁話自己好辛苦, 好委屈, 話個姑仔周圍同人講佢點點點, 我聽番之後, 先諗起我真係有同人講過, 但我死口唔認, 話我唔識得佢d朋友....
更新1:
我好唔開心呀, 唔止一次試過飲酒亂講說話架喇, 有時到第二朝清醒時好內疚, 提自己下次唔好再咁, 但有時又會再犯(當然唔再是說阿嫂), 到第二日又會好內疚....有時仲會比被說者知道....我本來是一個唔多出聲, 明知果個人衰, 我都對佢好好果d人嚟架, 但呢幾次之後, 我覺得自己好不知所謂呀, 以後都唔知點面對佢地, 有無人可以幫到我呀, 或者有無人都試過咁呀, 可以分享下, 幫幫我嗎???
