點解香港人買車主要買(風田) 同 (康打)?

我唔似其他網友諗得咁複雜!
其實點解會有咁既局面, 同香港人本性有好大關係; 絕大部分既香港人都冇厘性格, 有強烈既羊群心理, 兼有品牌效應, 買車買樓買衫食飯聽乜歌睇邊個電視台邊套電影行邊條街, 通通都要跟大隊, 所以至會有慣性收視呢個TERM, 所以買車習慣都出現左類似情況.
講返買車, 造成呢種情況代理同買家都有責任, 買家跟隨口碑而選擇某大牌子, 代理銷路增加利潤上升, 自然會提高售後服務質素, 一傳十, 十傳百, 水漲船高, 大牌子會越做越好; 相反, 有D所謂細廠基於消費者心目中既形象, 就算有佳作都唔會有好多人欣賞, 以致好多好車都O係香港煙滅.
小弟可以話用過唔少車, 豐田/本田未必絕對好, 鈴木/大發亦未必係最差, 只覺得乜野性格既人就會買乜款既車, 冇乜要求既人就會買大牌子, 貪平唔介意質素就買韓國車; 幾年前買過部WAGON R+, 稍為改裝, 出到街收視率勁高! 曾經有對年輕夫婦見我部車更走埋黎同我講話後悔出左架COROLLA!

三個字講完,平靚正!

一句到尾，羊群效應，人人都話歌路那好，civic好，其實都無因應自己需要同性格，部車個樣，啱唔啱自己，就走去買，基本上現時日本車品牌已做到價廉物美，精益求精，連歐洲車先進科技都有，試問有無人敢講新款萬士得３２３唔靚呀？只不過toyota跟honda近十年車廠都比較積極進取，比起三菱就進取得多，大家試想下，如果成條街都係歌路那／civic，咁同的士有咩分別呀？架架都一模一樣！

Because D車又靚又新,價錢合理,保養易,牌費平,車輛實用和聲譽良好等.................
風田的例子,Honda Civic,Honda Accord

Honda Civic

外形科幻創新

廠方在今代Civic之整體設計上，為了滿足全球車迷的不同需要，特別推出歐洲、日本及美國三款銷售版本，而香港代理所引入的，正是配套最齊全的美版。

在外形方面，美版其實與日本內銷版相去不遠，科幻味極濃的車頭，設計基本上同出一轍，扁長的兩盞頭燈，襯托中央橫間電鍍鬼面罩及泵把底射燈，使新Civic看上去充滿跑味，而略高的腰線，更能凸顯其科幻味道。

流線形的車頭和扁闊頭玻璃，可以進一步把風阻系數降低，從而把風噪及耗油量減少，令房車更寧靜舒適。

而美版最特別之處，就是那組猶如歐美名車的通紅「眼鏡形」尾燈，令第八代Civic更添一層貴氣，確實人眼前一亮。

內裝美觀豪華

新一代Civic在內櫳陳設上確實做了不少工夫。

最新設計的雙色內櫳，使感覺上更具貴氣。而用料方面亦車迷驚喜，廠方除採用傳統的優質膠素材外，並刻意加入了很多仿合金及優質原廠真皮，使新Civic的車廂更顯豪華。

立體化的兩幅式環備有電子定速系統，切合車迷需要，而後方那組分隔為上下兩層的新穎儀表板，則能達致實用與創新的效果。上層為公里跳字顯示，下層為傳統指針式引擎轉速表，在夜間更能發出粉藍色的漸進低燈，設計新穎。

真皮座椅配合磨沙銀色的波棍台和新型手掣桿，亦能加添車廂的年輕感覺。

引擎動力澎湃

全新第八代Civic將配搭一台1,799c.c.i-VTEC引擎，悉數取代舊日的1.5及1.7公升引擎，這台全新動力心臟，馬力輸出高達140ps/6,300rpm，而扭力值為17.7kgm/4,300rpm，是一台力量豐盈的新一代機器。

在實際行車表現上，這台1.8公升引擎，猶如昔日兩公升引擎般充裕，低轉扭力由千多轉一直撥入五千多轉，絕無半點拖泥帶水之感，使第八代Civic無論在外形或動力表現上都較上代優勝。

第八代Civic規格表

車　　型：四門五座位房車

引　　擎：直列四汽缸i-VTEC

容　　積：1,799c.c.

最大馬力：140ps/6,300rpm

峰值扭力：17.7kgm/4,300rpm

輪　　胎：205/55R16

懸　　掛：（前）麥花臣

　　　　　（後）多連桿式

制　　動：（前）碟式

　　　　　（後）鼓式

傳　　動：五前速自動波

體　　積：4,540×1,750×1,440mm

車　　重： 1,240kg

售　　價：約$180,000

2006-11-08 11:36:04 補充：
Sorry!Not 風田的例子,is 康打的例子

我唔知算唔算係香港人, 因為我o岩o岩先買o左架NISSAN. 不過我都讚同"問家", TOYOTA同HONDA 都真係比較多 ...
o係未講品牌前, 先講講好多人買車既考慮因素:
1) 品牌
2) 慳油
3) 舒適度
4) 跑感
5) 維修保養
6) 投資性
7) 實用性
8) 改裝度
9) 外型

如果就哩7 點而言, T廠既車就真中唔少. 你見"的士"都用就知品牌好, 香港after-service 出名年年第一, 大部份車款都慳油 (因為設計簡單), 打過"的"你都知舒適度如何, 因為設計簡單, 要整既o野都少過人, 維修保養梗係平, 再加上多人用, 又少易壞, 要放都易d. 而且T廠出D 車好為亞洲人 (包括架仔) 著想, 所以實用性絕對高. 你見D 中港車10架有7架都係ALPxxxx 就知幾多有錢佬鍾意坐. 而且因為車多o左, 改裝既部件當然相對地多~

H 廠既車論實用設計, 我就覺得無T廠咁好. 不過勝在乜車都有TEC, 車靚仔又身輕又好慳油, 至少唔算太慢. 你見咁多年青人開TEC 周圍遊就知. H 廠同T 廠好多位置都好相似, 不過見到兩廠行既路線好唔同, 就好似歐洲既M.B 同B.M 就知. 一架行豪華舒適, 一架行路面感覺. 所以市場上有好多支持者.

而至於其他廠方面 ...
N廠: 我可能見識淺薄, 我剩係識N廠幾款車, SKY, LADY, 飛雞, 屎忽佬同SUNNY ... 一睇就知哩間廠做乜D 車唔係個個都O岩;
M廠: 121, 323 我o念你都聽過, 7仔8仔就更加唔駛講. 市場有支持, 不過就係唔拖唔水, d 車價係比較同級其他牌子高. 最慘係佢o地既王牌車-雙轉子 壞o左都唔知點算 ...
S廠: 佢o地專出4WD 同細車仔, 市場細係好正常.
另一間M廠: Lancer 同露筍應該都聽過呱. 仲有galant. 我覺得都好多人用緊.
另一間S廠: 都係比問家提出既S廠多人用. 不過出既車真係部部都唔慢, 如果你o念住代步, 會唔會考慮一部好難搵人整既水平對向引擎既掃把?

至於其他牌子:
韓國車方面: 正如問家咁講, 水準提升快及高, 所以你見到通街都係d "移動", 多o左好多660cc既車仔. o係10年前, 真係唔係咁易搵到. 香港用家係精明既, 如果係平係好, 總有人買. 當然o係外國其實都係日本車受歡迎過韓國車.

順便講埋歐洲車: 可能問家唔知, 其實香港歐洲車多得好誇張. (唔知你有冇聽過彎路之王哩個名, 香港真係多到你唔信) o係養車咁難既情況下, 簡直係出奇. 同一種零件, 日本車同歐洲車相差可能3~4倍. 舉個例: 如果你買架10萬既歐洲車, 我買架10萬既日本車, 一年維修保養既錢, 你可能要俾成萬幾銀, 而我剩係幾千. 換既o野都係差唔多, 只係因為歐洲車, 而零件既供應又唔多 (demand n supply, 我希望你知係乜), 再加埋咁鬼遠. (香港位於亞洲 ...) [其實歐洲大部分人都係開歐洲車, 唔係因為佢o地有錢d, 而係因為對佢o地o黎講, 歐洲車d parts 維修保養都平過日本車] 所以香港人都唔係一味買T廠同H廠.

每個人揀車都有自己既原因, 當問家真係要買車O個陣, 你可能發覺自己都會揀哩兩間廠.

use Honda & Toyota 跟大隊 好處係

因為同一牌子, 有車壞 (or 有問題) 可問身邊d人,

每個牌子的車有唔同特性, 如發覺新車某方面與之前揸開的不同,不知是否新車出現問題,
if ask 揸同一牌子的車的人, 可以知道係o個個牌子的車的特性還是壞

另外, 買熱門牌子的車, 零件維修 周圍都有, 唔使下下搵原廠

易d保養

and 多人買自然便宜(薄利多銷) , 二手架易較高, 唔識車的人(新仔) 亦會自然揀大廠

I can answer you this question since i live in foreign country,
In HK, people will consider the Honda and Toyota first due to the car is cheaper than the european cars, Honda got good engine, Toyota means reliability, this is the tradition in HK, people will not think Korean or simply different japanese cars, because i point, HK people only wants famous brands, they will make their choice by simply poeple told them these are good! Although, i work for Mercedes Benz, but i need to admit that Hyundai is good!

2006-11-12 21:24:08 補充：
Absolutely agree with 兆傑, I think buying car is personal choice, if he is calm, he should get a mercedes, if he is passionate, he should get a Alfa!

又靚又平又唔想標奇立異