(最好女仔答)貿貿然識女仔會唔會好怪呀?

人與人之間係有一幅無形0既石屎場, 呢一道場係用嚟作自我保護, 你想識呢個女仔就要諗計去破壞呢道埸, 將佢由石屎變到做紙咁薄 (即係成為你0既朋友或更進一步)
一開始就係應該令到佢知道你0既存在, 但唔好咁鬼祟, 男人要大方D, 光明正大, 女人最怕小家0既男人, 就算你係都唔好比佢知...
仲有, 男人最緊要有信心, 有自信, 無自信對佢嚟講會好無安全感, 女人好需要呢樣嘢
開場白係一項最難但最重要0既行動, 但大家都係一場同事, 應該唔難, 記住, 第一個印象會影響你全盤計劃, 你可以:
a) 試探佢心地 -- 喺佢面前整跌嘢, 睇吓佢會唔會幫你手汁
b) 試探興趣 / 知識 -- 睇吓佢睬唔睬你同係咪聰明人, 最好大路d, 女仔比較鍾意0既嘢, 但係就要靠你自己觀察啦.
c) 借嘢 -- 例如借筆, 借電話, 睇情況啦, 最好唔好借錢.....!!!
以上行動只係打開話題等你有機會自我介紹, 籍此你可以更了解佢, 例如做邊個dept, 叫咩名....
記住男追女隔痤山, 女追男隔層紗, 努力, 起碼第一個目標係要有佢電話呀, 祝你成功!!!

Sorry, 我唔係歧視你.
你係賭場度做的, 老實講, 呢個地方人流咁多, 好彩的係, 你係著制服的, 咁個女仔若莫都知你係同事(如果你成日特登去撞佢或睇佢, 而佢又留意到的話). 加上, 如個你looking smart的, 個女仔更加留意到啦. 咁佢應該知你唔係無情情啦; 咁有heart, 睇得出係乜嘢一回事囉.
仲有的係, 係賭場呢種地方做嘢, 唔可能純情得去邊啦; sorry, 坦白講, 日日見咁多三山五嶽的人, 太過單純, 無危機意識的, 會唔會太危險呀? 所以, 大家都係明白人; 唔可能just to say hi咁簡單卦, 好明顯你係想date佢. 所以, 不如直接d, 同佢say完hi, 睇佢反應點; ok的就可以去馬, 問佢放工得唔得閒, 飲杯嘢或者食餐飯囉. 如果佢反應冷淡甚至冇興趣的, 你可以放棄咯.
最重要的係, 如果你唔係玩玩吓, 而個女仔又肯應約的, 我覺得, 你應該表現你對佢的誠意; 約會的開場白可以係, 關心吓佢工作的環境點呀, d客人打賞多唔多呀之類(sorry, 我對你地賭場的實際工作及環境唔係咁清楚, 所以, 最好你自己想定d有關工作上的事情來做opening). 然後, 可以問吓佢放工後鍾意做d乜呀, 有d乜嘢活動來減壓呀咁(係賭場工作, 壓力應該唔少卦). 之後咪同佢交流吓你的心得或意見咁囉.