✔ 最佳答案
送禮物係出心的; 你經濟唔許可, 個新娘或新郎同你係friend, 應該體諒你的.
如果你真係想出少少心意的, 咪公價人情$300-500囉; 送禮物, 以你同個新人的交情, 應該知佢想要乜嘢禮物啦. 懶d或者怕煩, 不如買百貨公司禮券囉; around $300啦.
平的去買佳佳或康康, 吉之島都OK. 好睇唔係咁好使的, 去買Sogo、City Super都得, 可以買吓零食或糖果, 當祝佢地甜甜蜜蜜嘛.
一係就咁, 現實d, 你收少佢份開門利是(如果你係做姊妹的); 收到利是後就買番嘢畀對新人, 都一樣啦. 或者, 索性一開始唔收利是; 你可以同d姊妹講定, 分錢時就當人情, 去喜宴果陣就用個利是封套住d錢, 當係你自己畀的人情都得.
不過, 我覺得呢家嘢, 真係出心的; 叫得你做兄弟或姊妹, 應該好好感情啦, 唔會吓吓計錢卦.