點解炒魷魚呀 ?

首先我教你點樣新鮮嘅魷魚。
新鮮魷魚：
1.要睇隻魷魚身盡量唔好白晒身，因為新鮮魷魚係呈透明白色 [白白哋色都買得過]，越白身就代表越唔新鮮。
2.再睇隻魷魚身上陣衣嘅顏色越啡色又係代表越唔新鮮，如果陣衣係紫紫哋色同埋隻魷魚身係白白哋色嘅話都買得過。
3.買嗰時攞起嚟聞吓，唔臭就OK嘞 [小小腥味緊有]。

點樣炒魷魚會好食，重點係要凼水：
先將魷魚洗淨切花備用，燒半鑊水拍一片薑拍兩三粒蒜頭放落鑊到，待水滾跟住再將魷魚倒埋落去凼水 [加一茶匙紹興酒落去可以癖走魷魚嘅異味]，再撈起放落冰水浸吓 [食嗰陣會爽口啲]。
另外我有四種煮法：1.豉油皇炒鮮魷 2.蒜茸豆豉辣椒炒鮮魷 3. 金銀蒜蒸鮮魷 4.白灼鮮魷[點熟油豉油]。
以上 1.2.款首先都要凼水3.4.唔使。

1.豉油皇炒鮮魷
將蒜頭切片拍定兩片薑，燒鑊油爆香蒜頭薑片，再落已格乾水嘅鮮魷落去爆炒片刻，轉用細火跟住落埋兩湯匙生抽、一湯匙老抽、半湯匙紹興酒、一茶匙美極、麻油及胡椒粉各少許，用大火兜炒勻佢上碟加少許芫荽碎喺面即可。

2.蒜茸豆豉辣椒炒鮮魷
鮮魷又係凼定水備用，準備洋葱半個切兩指闊、青甜椒半個切件、蒜茸兩湯匙、豆豉大半湯匙[樁碎]、指天椒切碎[除個人口味可不加]、薑茸半湯匙、油兩湯匙、糖一茶匙半、酒半湯匙、豉油一湯匙半、麻油及胡椒粉各少許。
先用油開鑊爆炒洋葱[炒兩分鍾]後再落蒜茸薑茸豆豉指天椒青甜椒爆炒片刻，跟住落埋鮮魷及所有調味料同炒至香，上碟即可。

3.金銀蒜蒸鮮魷
將魷魚洗淨切花放上碟到，再落油、鹽、糖、金銀蒜及少許生粉撈勻佢，燒滾一鑊水放落去格水蒸6-8分鍾，攞起(秘)緊啲水再洒上葱花贊啲熟油豉油即可。

4.白灼鮮魷[點熟油豉油]。
最先整定一碟熟油豉油 [可加辣椒碎]，燒滾一鑊水落一嚿薑拍三粒蒜待滾，將魷魚洗淨切花備用，水滾後落魷魚及一湯匙紹興酒，待水滾起撈返鮮魷上碟加啲麻油喺面即可。


希望可以解答到您嘅問題啦。Thanks.

2006-11-06 18:53:15 補充：
樓下嗰位講得好啱，魷魚係喺海生活正常會冇泥味。但係紅衫魚都係屬於海魚，但點解會又有泥味呢？因為海底都有泥 架，而且紅衫魚係鍾意靠海底覓食所以就會有泥味嘞。至於魷魚有泥味咁亦都係指魷魚靠海底覓食所引至有泥味。魷魚、墨魚、八爪魚基本上唔游動嗰時係靠住海底不動，佢地好鐘意靠住沙底隱藏住自己身體係到休息及捕獵，其餘時間佢哋都係游來游去週圍揾嘢食，尤其係鍾意追啲會發光及識活動嘅物體就最為吸引佢哋。

有泥味，代表D魷魚唔新鮮，開始變壞了，請不要食用。
買魷魚，要買D帶有光澤的，同買按斤計錢的，最好不要買10蚊一碟果D，因為果D通常都係魚販想盡快散貨，賣剩的魷魚。
當買左魷魚，無論大小都要剖開魚身，清淨魷筒內，清去墨囊，因為魷筒內有時會有牠的食物，如小魚，通常這些小魚都被魷魚消化緊，有點腐爛，如果唔洗去，就會食落有怪味，甚至食物中毒…
清完就將魷魚放入滾水中灼一灼，約15秒，出一出水，咁炒起上來就唔會炒到一鑊都係水。跟住燒紅隻鑊，放油，放蒜頭，如果豉椒炒魷，就放埋豆豉同辣椒爆一爆佢，再放入魷魚，炒勻佢，跟住開個生粉水，加糖1湯匙，雞粉1茶匙，生抽1湯匙，生粉1湯匙，水1杯，搞勻。當你開得個獻汁來，D魷魚就熟架啦，再倒個汁落去炒到再滾就熄火上碟，搞掂！

用蒜蓉豆豉炒就可以趕走陣味啦! 炒前先出水,除了雪味和其它味,再用蒜蓉豆豉炒香至熟 條蔥炒兩吓上碟,就可以趕走陣味啦! 首先我教你點樣新鮮嘅魷魚。
新鮮魷魚：1.要睇隻魷魚身盡量唔好白晒身，因為新鮮魷魚係呈透明白色 [白白哋色都買得過]，越白身就代表越唔新鮮。
2.再睇隻魷魚身上陣衣嘅顏色越啡色又係代表越唔新鮮，如果陣衣係紫紫哋色同埋隻魷魚身係白白哋色嘅話都買得過。
3.買嗰時攞起嚟聞吓，唔臭就OK嘞 [小小腥味緊有]。
點樣炒魷魚會好食，重點係要凼水：
先將魷魚洗淨切花備用，燒半鑊水拍一片薑拍兩三粒蒜頭放落鑊到，待水滾跟住再將魷魚倒埋落去凼水 [加一茶匙紹興酒落去可以癖走魷魚嘅異味]，再撈起放落冰水浸吓 [食嗰陣會爽口啲]。
另外我有四種煮法：1.豉油皇炒鮮魷 2.蒜茸豆豉辣椒炒鮮魷 3. 金銀蒜蒸鮮魷 4.白灼鮮魷[點熟油豉油]。
以上 1.2.款首先都要凼水3.4.唔使。
1.豉油皇炒鮮魷
將蒜頭切片拍定兩片薑，燒鑊油爆香蒜頭薑片，再落已格乾水嘅鮮魷落去爆炒片刻，轉用細火跟住落埋兩湯匙生抽、一湯匙老抽、半湯匙紹興酒、一茶匙美極、麻油及胡椒粉各少許，用大火兜炒勻佢上碟加少許芫荽碎喺面即可。
白灼鮮魷[點熟油豉油]。
最先整定一碟熟油豉油 [可加辣椒碎]，燒滾一鑊水落一嚿薑拍三粒蒜待滾，將魷魚洗淨切花備用，水滾後落魷魚及一湯匙紹興酒，待水滾起撈返鮮魷上碟加啲麻油喺面即可。

以下是一些炒鮮魷的菜色:

時菜炒鮮魷
豉椒炒鮮魷
油泡鮮魷
椒鹽鮮魷
椒鹽鮮魷魚鬚
蒜茸粉絲蒸鮮魷

烹調前先用大量清水沖洗鮮魷,
2輕輕出水,能去除雪味和泥味,以下是一些烹調鮮魷的食譜。

荷豆炒鮮魷

材料
鮮魷 兩隻
荷蘭豆 四兩
薑 兩片
蔥白 一條

做法
1.鮮魷去頭，洗淨撕去紫膜，切十字刀紋後，切片加入薑汁、酒各一茶匙拌勻。
2.撕去荷蘭豆的老筋，放入加鹽的滾水中灼熟。
3.燒熱油，爆香蔥白、薑片，放入鮮魷及荷蘭豆炒勻，加鹽調味上碟。



雪菜炒鮮魷

材料:
雪 菜 二 兩
鮮 魷 十 二 兩
薑 三 片
蒜 肉 一 粒
紅 椒 半 隻

調味料:
糖 半 茶 匙
生 粉 1 茶 匙
水 半 杯
胡 椒 粉 少 許

做法 :
1.洗 淨 雪 菜 ， 擰 乾 水 ， 切 粒 。 薑 切 絲 。蒜 肉 切 片 。
2.鮮 魷 洗 淨 切 花 、 切 成 塊 ， 用 滾 水 飛 水 待 用 。
3.燒 熱 二 湯 匙 油 ， 爆 香 薑 絲 及 蒜 片 ，將 墨 魚 、 雪 菜 略 炒 ， 放 下 調味料 略煮 ， 加 入 紅 椒 絲， 即 可 上 碟 。


咖喱鮮魷

材料：
鮮魷（中）2隻、蒜茸2湯匙。

調味：
生抽2茶匙、咖喱粉3/4茶匙、砂糖1茶匙、生粉1茶匙、辣椒油1/2茶匙。

做法：
1.鮮魷洗淨逐塊抹乾，出水備用。
2.下2湯匙油起鑊，爆香蒜茸略炒鮮魷，加入預先拌勻的調味料，兜勻即可。

以下是一些炒鮮魷的菜色:

時菜炒鮮魷
豉椒炒鮮魷
油泡鮮魷
椒鹽鮮魷
椒鹽鮮魷魚鬚
蒜茸粉絲蒸鮮魷
味菜鼓椒炒鮮魷
菜花蝦干炒吊片

照道理魷魚屬鹹水科,應該唔會有陣泥味,會唔會係火水味呀?例如食D蜆成日都有呢陣味,
不個如果真係有, 可以學樓上個朋友咁講, 先出水, 之後用蒜頭豆豉辣椒炒, 我諗會OK.

用蒜蓉豆豉炒就可以趕走陣味啦!

2006-11-06 17:31:23 補充：
炒前先出水,除了雪味和其它味,再用蒜蓉豆豉炒香至熟 條蔥炒兩吓上碟,就可以趕走陣味啦! 食得辣可 隻只天椒