20分！我想學英文，我程度極差~請講經驗，不要網上copy~

去log on/天地買本word book既野
將你係 報紙 雜誌 網上 whatever見到既字
寫落去 但係
唔好乜q都寫
查字典時要睇下個例句..睇下有無用..易唔易係平時可以運用返/遇到，有先寫低
寫左真係讀呀，一日讀5個就一日讀5個，don't ever stop.
一星期就review返一次

睇ge真係睇d對自己有興趣既英文書，例如
fashion, barbie, travel, 比外國d 5-6歲細路睇果d都得架
果d書我個人覺得好靚,,成日睇
當中可以學到好多日常ge生字
果d咪閱讀理解你唔識/聆聽聽唔明果d囉!!
唔洗睇咩名"zu",,沙士比亞果d架..
唔好人話睇咩就睇咩呀,,英文每個人都有岩自己ge方法


聽/講野呢..我建議你睇多d pearl..
我自己就好中意睇project runway,oc果d劇..
以前睇american n.t model果時都聽唔明架..又覺得人地d eng ho勁
後來試下唔望subtitle,,聽聽下就明架喇
覺下人地d pronunciation & articulation


如果想打番好d grammer底用呢本:
Essential Grammar in Use -----------Cambridge university press ,Helen Naylor/Raymond Murphy
我中2時得閒睇d睇d..中3英文勁左超多..由平時英文20-30/名去到10名之內//都唔知咩事-0-
好好ga. 但skip左頭果幾個chapter..太易了!!
hope it is helpful to u!

我個人而0家都讀緊英文.
其實就要知道自己而0家係咩0野程度先....
係要知道自己係咩最差?咩野最好?
先再決定用咩野方法揀好英文.

大多數香港人係串字最差:
lee樣就真係要花d努力,留意下圍繞身邊0既英文單d先.識串識解,就可以漸漸增加自己0既字庫.
第二係文法:
lee樣就真係要搵d專業人士教先得.(最好係英國人啦)
因為0係香港就算係學校老師教0既都未必一定0岩.
如果身邊無朋友係0係外國住/英文特別叻,
可以選擇係有外籍人士教既機構上堂(例.英國文化協會等)
第三係speak:
最緊要大膽講(尤其係d外國人面前)
錯唔緊要,人地一定會教返你,但你自己唔講,就咩0野人都幫唔到你.
第四係listening:
lee樣最易學,只係你有返一定0既底子,由簡單0既英文開始聽,就會越聽越多.
試下盡力聽,聽得幾多就幾多.
但就要揀一d適合你程度0既0黎聽.(例.卡通片、文搖歌曲、有英文發聲既圖書等)

只要自己用心學,一定可以有進步的^ ^

睇多d 英文台, 由要睇字幕去到唔洗睇, 留意佢哋發音, 語調, 用詞
英文係一種溝通方法, 最緊要係溝通到同人哋明你意思, 如果你有機會0既, 梗係去外國讀書, 如果唔係就嘗試喺香港識多d 外國人士, 只要你唔怕醜, 勇放去講同表達, 好多人唔會笑你, 會敎你 (但當然你要有比人笑0既心理準備, 我以前都比人笑唔少), 但你放心, 笑完通常都會敎你, d 外國人其實絕大部分都好nice, 你會喺佢哋身上除咗學會語言之外, 仲會令自己0既思想同視野擴大, 所以你要積極d 用你0既方法去密識一d 外國人或想辦法 去外國留學, 一種語言唔係單單喺本書或上堂去學, 係要喺生活中不斷運用而熟能生巧, 因為喺生活中你會學到一d 喺書到學唔到0既嘢, 例如講法, 聲調, 俗語等
我自己喺外國十年, 十一歲去咗留學, 喺一年之內已經學到一口流利英文, 你幾大個?? 因為學習同年齡有好大0既關係, 如果你唔介意, 我自己都有做開補習, 你可以聯絡我, 睇下幫唔幫到你, email: [email protected]

你又唔係去考會考，去補d乜師物師，無用。
如果你真係連d鬼佬講物都唔知，去d 英國文化協會，都唔知做乜。連係yahoo成日賣廣告個d，賣點都係有鬼佬同你講。基本上，如果你連基本程度都無，係哂錢。

提升自己英文至基本程度先啦，做法講就好簡單，但你做唔做得到，又係一會事。恆心好重要。

你可以先買本小學短篇故事書。每日看一段(查哂生字)。
之後再背佢(背出聲個隻)。如果一開始一段太多，就每日背一句。

d字解釋 和 發音可以係yahoo字典查
http://hk.dictionary.yahoo.com/

每日練一句，要讀到自然果種。
聽住；每日只練一句，唔駛溫返尋日、前日果d，因為若果要溫返十日唔到，人人都會放棄。
每日只係一句； 查字典、背句、讀熟。要令自己可持之以恆的方法。

學數學，有天份的人可以份1分鐘學曉，無天份的學10年都唔明。但語文係 好 老實 / 公平 的東西，你得到幾多，是因為你付出幾多。

2006-11-06 11:18:21 補充：
如果你識聽，就可以去跟鬼佬學。如果唔識，在最起初皂你，多聽根本無用。好簡單的例子，例如比你聽到 holiday 這個字的音，但你根本唔識這個字..... 你只會有兩個結果 a. 以為自己聽唔到； b. 以為係其他字 可能以為係 holy day，攪到越聽越亂。多聽係必須，但佢o係係有了一定基礎之後用的。我曾經也是英文超差的人 (現在也是麻麻地啦，大把進步空間)，我試過很多方法，也明白各辦法有什麼困難之處。

平的讀夜校都唔錯, 或者去一d 由大專院校校外d course 都唔錯, 起碼有保證. 如果你真係咁有努力, 或者自學都得, 再加上一些短課程來加強自學不足處. 以下一篇我答其他關於學英文問題, 希望幫到你.

學英文最緊要係多聽多講多寫多讀~

多聽--係要成日都聽英文,例如睇英文o既電視節目la,聽英文歌,留意人地點講,學人地點講(即係發音)

多講--就係要同多D人地講英文,例如同Friends講野可以用英文,可以同老師講英文,唔好怕講錯or核突,因為要講多D,先至夠放膽去講,錯唔緊要,因為錯左可以改,同埋人地可以意見你ar ma~初初講係會辛苦D,但係講講下就會好
而且你可以搵D英文書or報紙讀,有唔識o既字可以查字典,搵個發音~~~or上網(yahoo)聽下點發音

多寫--就係要寫多D,唔好怕寫野,寫多D,俾老師改,知道自己邊方面弱,同埋改善D grammatical mistakes,唔寫過真係唔知自己唔識D咩ga..

多讀--睇多D newspaper,novel, friction,初初搵D無咁多字o既書睇,睇得耐再搵D長D書睇,搵一D自己有興趣o既書睇~~~~

所以你想用一年時間攬番好d 英文, 唔係我潑冷水, 都幾難, 但世上無難事, 只怕冇心人, 惟有盡一盡力, 無愧於心呀.