好唔好投訴佢....金鐘統一中心分店你地話好唔好投訴佢.因為我實在太嬲啦.

我想投訴就叫佢做A、11月3日下午三點左右,我去東亞銀行唱錢,我都係排優先理財,我排第二,排左兩分鐘到我,我話我想唱錢,之後A叫我去排隊,我就話你幫我唱左先啦,好快呀,之後A
細聲話但係個邊有人排緊隊,我再問幫我唱左先啦真係好快呀A都唔肯,咁我咪走囉.係呢件事裡面我覺得A係咪真係針對我呢,我只不過係來唱錢,何況我都有排隊,A講到我好似無排隊咁,或者我都會諗係咪我排錯隊,就算係佢可以同我講你排錯隊呀,你應該排隔離先係,下次你排番隔離,我幫你唱左先啦.唔通呢啲叫服務咩,我覺得自己好無奈囉,錢又唱唔到,又好似比人話我無排隊咁,我諗佢講啲說話有問題,試問就算係排錯無理由唔幫我唱點解要咁講.我以後都唔會再接觸呢間銀行.其實我平時都會去東亞銀行唱錢,但啲員工實在太無禮貌,初時我會想是否你們好忙,後來我覺得你地啲員工好有問題,入來唱錢都係客呀唔洗咁呀