有無聽過儂美大飯店

您好：
我上個再上個禮拜先住完= ="住左兩日，我又係買旅遊套票架，本來寫住長龍或者一樂園。後來就話兩間都冇房，派我地去儂美仲連早餐都冇！事實上我覺得自己畀人呃左。

首先講佢既位置，一d都唔方便仲好難搵，本來旅行社個間酒店東龍，落樓就係西門町。但係"儂美"要坐2個捷運站先到西門町(每次去西門町要5元港幣= =)，行去捷運站要10分鐘。同埋佢既位置係d橫街，即係好似"後行"咁，不過的士可以入到去的。

儂美裏面，門口好細，有d殘殘地唔算新。另外，我覺得間酒店係色情酒店，因為佢畀我地間房，廁所係落地玻璃，o者係房同廁所睇到晒，廁所好大，有間房既3分之2大。個浴缸仲有按摩添。因為我地3人加多左張床所以冇換房，同埋拉埋浴簾都睇唔到。景觀係座樓，對面座樓好殘(外牆灰色那種)，好近大約距離2~3米。下面是好似人地掉垃圾落街個d槽。

不過酒店既一切設備都有齊，既係牙膏牙刷、沖澡用品、風筒、拖鞋(不是紙拖鞋)全部都有。仲有d服務人員(女人)態度好冷淡，坐住黎答問題，問一句答一句。不過最後個日半夜有個男服務員幾好，我地趕住走，打落去check out話趕時間，佢自己幫我地call的士(我地冇叫call的士)。可能個男人比較熱心

另外，我覺得畀人呃左係因為，我地個日去西門町，見到本來個間東龍，問佢係仲有房。房價加1人大約nt2200

我住過一次~個度交通唔係好方便~去捷運站最少都要行10分鐘，不過你會經過間衣碟~但個捷運站唔係大站(即台北車站、西門個d)所以佢唔係近西門架
而且我台灣朋友話附近好多風月場所，即係好多男男女女的地方~而我都親眼見過d男女剛剛交易完落黎走人...d電視台都有色情台~仲有dom dom送~有一次我朋友去佢仲要比間玻璃沐室佢...攪到佢轉酒店~
如果你係女仔~夜晚就早d返去~個度夜晚好黑架~~~附近好似唔係好安全~我個次去~夜左返都要朋友陪我地回去~不過附近有一間買鳳凰蘇好出名好好食~細細間~唔同西門町個d~好香架~你可以去搵下~書都有講架~台北分店唔多架個間~
至於新淨~房間你要求唔高都ok既~個次我住對面係一座大樓囉~~~望出去都會見到人地做緊咩架~個大堂個d地方就差d~
如果你只係睡都ok既~佢只係無景~
希望你旅途愉快啦

儂美大飯店坐落於台北市中心，鬧中取靜，客房設備精緻溫馨，已成為國內外商務及觀光人士台北行的最佳選擇。本飯店鄰近台北車站及捷運站，觸角可延伸至台北市各個商圈及名勝古蹟。附近並有新光百貨公司及中正紀念堂等，無論觀光旅遊、逛街購物或商務洽公，都極為便利。

2006-11-05 23:51:35 補充：
http://hipage.hinet.net/rosemaryhotel