在網上買貓，要注意那些地方？新買回家的小貓，要如何照顧？大約4-5個月大。謝

我的貓貓是在yahoo拍賣買的。上網買貓有一定好處, 不過要留要幾點:
1. 最好可以上樓睇, 視察環境, 有d 相約在街上交收既可能係貓販掛羊頭, 賣狗肉。
2. 住家環境相對較衛生, 菌都少d。
3. 我要求貓貓3 個月大才揍走, 當然要先下訂, 貓貓食足母乳, 又肥又壯, 抵抗力都強d。寵物店的貓, 40日就戒奶攞出黎賣, d bb好弱, 又多病, 分分鐘養唔大。我在寵物店賣的幾隻貓, 隻隻番黎都e餐死, 但網上買果隻都唔知幾健康, 一次都無病過。貓媽媽仲教咗佢好多生活技能, 其他因太細離開媽媽, 仲未學, 可能佢在愛中長大, 所以特別開朗活潑。
4. 舊主人比較有愛心, 唔會當佢地係一件貨, 照顧得bb好好。我e+仲有同佢聯絡, 耐唔耐send d 相俾佢, 佢見到貓貓又肥又白, 都唔知幾開心, 仲請教我養貓大法, 互相交流心得。
5. 可以見到父母, 較容易評估bb大個咗個模樣, 有時d bb血統唔多純正,會 越大越走樣。
不過當然也有缺點, 因貓爸媽不一定有貓塲種貓的質素, 所以買唔買到靚貓好講彩數。我就仲未揾到好負責任的寵物店, 隻動物番到屋企有事, 佢地睬你都傻。

如果要在網上買貓, 最好可親自去睇貓, 當然要搵多個人陪.
要睇貓bb的父母, 和同胎的貓b, 起碼知道是否貓販定是住家繁殖, 也知地址日後有問題都可以跟進.
兩個月大的貓已經可接回家 . 如果貓有4至5個月大, 應該已打針和杜虫. 要問賣家攞針咭.
要留意貓的尾部是否清潔, 如果有糞便, 可能貓腸胃有問題. 也要留意眼,耳是否清潔.
最好和賣主一同抱貓bb去獸醫診所做身體檢查, 給雙方一個保障. 因你買了貓bb後, 牠日後的生老病死便要你負責.
貓用品包括: 貓沙, 貓沙盤, 食物盤, 水盤. 問定賣主貓食什麼糧.

我就覺得領養好過網上買囉...
有D寵物店出售既寵物唔一定完全冇病...
就算親身去都未必睇得出,何況係網上買...
要確保寵物店信譽良好..
www.hkcats.org/phpBB2既公眾領養區都有唔少...
可以睇下先囉...
好多都有得睇埋相...
有資料...
有d都好靚....

貓貓返到屋企需要少少時間適應...
要買貓沙,貓糧(乾同濕...濕糧一星期食一兩次就夠..),貓袋/箱,窗網,俾佢磨爪個d板....

絕對唔讚成在網上買貓.
因為你唔係親眼睇到佢即時o既健康情況.
如果真係要買貓, 坊間都有好多寵物店選擇,
但亦都希望你在買之前了解一下果間寵物店的名聲(因為亦不能排除有黑店存在).

其實而家香港有好多愛護動物團體都有領養貓貓的服務,
或者你都可以睇左先再作考慮購買或領養.

http://www.hkcats.org/phpBB2/viewforum.php?f=54
(lee個網址亦有好多點樣照顧貓b的資料可作參考)
http://www.straycathome.org/combine.htm
www.spca.org.hk
www.saa.org.hk

如果話照顧小貓, 4-5個月大一般都已經識得自己食乾糧.
你只要準備基本用品, 糧, 貓廁所(砂盤), 貓砂, 食物&飲水兜即可,
如果可以, 請你準備一個籠, 因為貓b通常去到新環境都需要時間適應,
到時你帶左貓b返屋企, 可以貓b放入籠裡面(唔好鎖埋門),
等佢適應左環境一般都會自己行出籠.

2006-11-06 09:51:32 補充：
覆補充: 如果你可以去坊間o既寵物店睇, 點都係比你響網上面揀有保障, 因為係face to face. 但亦希望你能夠在去買貓時了解一下市面上o既寵物店, 因為並不能排除你會遇上黑店因而令你有所損失! 又或者請去一些信譽比較好的寵物店去揀選你心愛的貓貓.