狗狗病了!! 好擔心呀~ 請幫忙

你狗狗情況未到最嚴重, 而家狗狗抵抗力比以前的較差, 容易咳及流鼻水, 首先你唔好冷親佢, 俾條大毛巾圍住佢個籠, 著埋件衫好D, 俾條毛巾佢墊住訓, 有需要開麻雀燈照住佢! 狗bb係成日訓架, 玩一個鐘訓返一個鐘, 訓醒就好精神架喇

1. 你唔好好照顧佢就好易演變成狗瘟架喇! 所以要小心處理! 暫時未算係狗瘟!
2a. 佢有咳千其唔好俾葡萄糖水佢飲, 會有好多痰架! 俾多d水佢飲, 佢唔飲你就叫佢飲, 一個鐘一次啦, 當然佢訓緊覺就唔洗啦! 流鼻水你要睇實睇下有無轉鼻涕, 有的話要即刻睇多次獸醫! 因為流黃綠鼻涕都係狗瘟! 俾d肉碎或狗罐頭佢撈糧食, 盡量浸淋d, 驚佢唔消化或嘔! 狗仔食肉抵抗力好好多!
2b. 通常兩個星期至一個先好架, 所以你唔可以鬆懈
2c. 如果變成肺炎會對狗狗個肺造成傷害, 例如成日咳, 敏感咁囉
2d. 同人一樣, 病過一次就有免疫力, 當然只係一種病毒先係咁, 第二種病毒入侵又會病架喇!
3. 狗瘟會流黃綠色鼻涕, 嘔, 唔食野, 無精神, 發燒, 是但一樣都係, 最嚴重係唔食野, 一唔食野邊個都救唔到, 要迫佢食野, 因為唔食野無晒抵抗力, 越黎越弱, 咁就byebye架喇, 如果真係唔好彩有狗瘟, 你要立即搵麥子健或何大成, 佢兩個係狗瘟聖手, 最好搵到佢地!

飲多D水，唔好再凍親，保持室溫唔好相差太遠。