到黃山旅遊

朋友，依架係廣州已經開通佐火車直達到安徽省黃山架啦。以下係火車既資料。
K222/K223 (广州- 黄山)
所需時間:20小時48分
K222/K223 次 (廣州-揚州) 空調快速
車站 到站時間 離站時間 公里數
廣州 9:21 9:21 0
英德 10:44 10:47 138
韶關 11:43 11:46 221
郴州 13:31 13:37 374
衡陽 15:22 15:25 521
株洲 16:49 17:13 655
醴陵 18:03 18:06 697
萍鄉 18:44 18:50 737
宜春 19:42 19:47 803
向塘 22:40 22:48 994
鷹潭 0:04 0:12 1109
景德鎮 2:51 2:57 1266
黃山 6:09 6:12 1433
.................... .................... .................... ........中途黃山下車
績溪縣 6:59 7:10 1483
宣城 9:17 9:20 1615
蕪湖 10:12 10:20 1679
馬鞍山 11:03 11:13 1726
南京 12:47 12:52 1804
儀征 14:17 14:26 1883
揚州 14:41 14:41 1904

硬卧票價大概係$300左右
火車票你去中旅問下，睇有冇得book。
如果唔得既話，你可以直接聯絡廣東省既旅行社，叫佢代book。
酒店唔使book住，因為11月唔係一個好旺既季節，房間有好多！

如果你有6-7日既時間，花兩日坐火車唔係問題。
普通遊黃山大概係用2-3日，你like攝影既話。可以到西海大峽谷，果度係一個好好既攝影地方，佢位於西海﹑鬆谷和釣橋3個景區既結合部份，你要去既話做好準備，因為去佐果度感覺就似爬佐兩次黃山一樣。(景區內冇shop，事前做好準備。行李唔好負重。)

落火車後你可以坐公車或包車到黃山山腳，之後如果你想生上去既可以簡由後山上(因為後山較易上d)，唔係你就可以坐纜車上。至於落山你就簡返前山落，可以正面望到天都峰(前山比較易落)你都可以選擇坐纜車落。

山上住宿同食物都好貴，因為物資全部靠挑夫挑上去，一碗番茄雞蛋湯都要成$40﹑水。$10。所以最好你就帶d野上去食。
同埋山上以前係有地方比你wild camp(但切記唔可以生火)。但依架當局好似改例再唔比人wil camp，因為驚疏忽留下火種。我建議你可以住係山上賓館設有既經濟間床位$100/人

係山下買地圖，山上指示好多，唔識去就問人。你唔使驚景點唔識去。景點唔使行好遠，所以你唔使分開兩日住唔同既酒店。
你要準備既係厚既衫褲，因為11月左右，特別係山上面既氣溫好低。唔好係上邊冷親。

其實你可以去旅行社參考佢地既行程，
如果你想坐火車去可以起中旅社問下，
不過未必買到票，可能要起深圳或者廣州先有火車去，
酒店就中旅可以訂到，
去景點如果真係唔識就去到搵旅行社可以有一天或兩天遊等…
溫泉係起黃山山腳，但係條件都好差，
所以一般都只係睇下就算，好少會去浸，
最好山上住兩晚，但山上酒店好貴。
十一月去都已經好凍，要帶厚衫或羽絨，電筒(睇日出用)
你如果真係唔係太熟或唔識講國語，
我建議你跟團去好d。