我下星期去泰國(有關Night Market問題)

我已經去過泰國很多次，有參加旅行團和自由行，但還是覺得自由行好好多，可自己安排時間和行程，而我剛剛今天先從泰國回來，希望能解答你的問題啦!
1.) 最多人去有這兩個Night Market，分別係Suan Lum Night Bazzar和Chatuchak Weekend Market(翟道翟假日市集)。我個人比較喜歡前者，這裡賣的物品很多元化，有傢俱、服飾、家庭用品、手工藝品…亦有餐廳、酒吧等，感覺很舒適!每日大約五點鐘啲舖頭先逐漸開門，所以最好吃完晚飯才去，但亦不要太晏，因為大約十一點半啲舖頭就開始關門。內裡有間叫Suan Lum Seafood都幾經濟好食，可以行之前去一試，它就在Suan Lum Night Bazzar的Zone D隔離。
另外後者就比較熱和人多擠迫了，加上因為實在太大(有近萬個檔口)，要行晒所有舖頭實在不易，一定要先取地圖，有規律地行才能行完，不過如果真想行晒所有舖頭，就建議分兩天來行，否則會太辛苦。而這裡只會在星期六、日才開檔，時間為早上9:00至下午6:00，建議早上去，因為會冇咁熱和咁多人。仲有記得買野要講價呀!
2.) 在Siam Square Soi 1,Rama 1 Road(在Siam Discovery門口對面的馬路入去)有間叫Bangkok Shark Fins魚翅專門店，蘇施黃都有介紹過，必食「粉絲蟹煲」和「魚翅」很好吃!仲有MBK商場二樓(近酒店方向)有間叫Mont的店舖，啲多士很正，有不同味道選擇記得試吓。其實泰國有很多好食的餐廳，不能盡錄，有興趣先再俾多啲資料你啦!
3.) 我未去過這酒間店，所以這點不太清楚了，sorry!
4.) Boots有些系列係比香港平，而家有個系列仲做緊買一送一，咁就平香港好多，但有啲系列就沒有平，價錢差不多。你最好在香港抄定想買的護膚品名稱和價錢，見到有平先買囉，因為折扣成日都不同。泰國到處都有Boots，在街上、屈臣市…差不多每個商場都必定有，你不用專登搵的!
5.) 其實都差不多，如要買就買最新出版的吧!
泰國的的士很平宜，所以建議搭的士最方便，我平時去邊多數都搭的士去，但要留意上車前必須同司機講好要去的地方，並問他是否by meter?如不就不要搭了，他會開天殺價的，你還是另找一架的士，日間要找by meter的的士不是太難，但在晚上十一時後就真的困難了，咁就要看看你堅持by meter還是跟他講價，雖然相差不太遠，例如by meter就$9，他會開價$20，但我每次都堅持找by meter的，哈哈!希望以上資料幫到你啦，祝旅途愉快!

Suan lum market inside have a "Relax" for thai food, where very good and very cheap.

6) 關於泰式按摩, 我試過一間都好正, leela (sathorn branch), 佢的web site: www.leelathaispa.com, 入面有晒佢全部package, 當然有泰式按摩啦, 手勢真係唔錯! 記得做booking (e-mail: [email protected])