生炒糯米飯

材料（四人份量）:

糯米 2杯(約300克)

特瘦臘腸 2條

瑤柱 7粒

蝦米 適量

冬菇 12粒


調味料:

生抽 2 茶匙

糖 1茶匙

煲仔飯豉油 2茶匙

鹽 1/2茶匙

水 大半碗(連浸瑤柱的水計)

製作過程

1. 糯米用溫水浸3小時，瑤柱用溫水浸2小時後整成絲再浸1小時， 蝦米浸軟，冬菇浸軟。

2. 將臘腸切粒，浸好的冬菇切粒。

3. 白鑊加熱，落臘腸炒至出少少油，加入瑤柱絲，蝦米和冬菇粒，炒至熟，裝起備用。

4. 糯米隔水，在鑊內加入1-2湯匙油，用中細火，放入糯米，炒幾下等大部份糯米都沾到油，將糯米壓平在鑊內，幾秒後，炒勻，再壓平，中間分多次加入調味料炒勻，壓平，大約二十分鐘後，可以試下糯米已熟，加入臘腸，瑤柱絲，蝦米和冬菇，炒勻即成。

貼士s

1. 用易潔鑊炒，用少少油就得，唔會黏底。

2. 用溫水浸糯米，唔使炒好耐就熟啦，同埋用壓平既方法，佢受熱既時間長咗，都會快熟d。

3. 炒到最後時都會見佢會黏在一起，但只要加d水(材料以外)入去炒幾下，佢地就分開咗啦， 炒勻就上碟，千其唔好炒過火，熟咗就得啦！

生炒糯米飯


生炒糯米飯


材料： 糯米1斤(預早浸約5小時，瀝乾)、臘肉4兩(切粒)、臘腸4條(切粒)、冬菇5隻(浸軟切粒)、蛋1隻(拂勻煎蛋皮後切絲)、上湯1罐、芫茜及蔥粒適量


做法： 用少許油，用慢火炒勻糯米，炒時加入少許上湯，略炒，加蓋，稍後片刻。

揭開蓋，再加入上湯，略炒、加油、加蓋。重複以上步驟，直至糯米開始軟熟，才加入臘味、冬菇再炒炒、焗焗。全部材料熟透後，加入蛋絲略炒，下芫茜、蔥粒即成。