徵求京都、大阪、神戶七日遊行程建議

JR PASS唔係真係咁有需要買的,除非個行程會去到好遠,或者個行程PLAN得好FULL,一日至少會去兩區先會抵用,如果係渡假心情,唔趕的話,多數都唔需要買PASS

7日用7000-8000包機票就真係唔太可能了
機票好平的有AI即係INDIA AIRLINE,要BOOK佢至少預早一個月先有可能BOOK到,佢早機8am出發,2pm由大阪返HK,但AI係經常delay,可以令人失晒預算的,本人坐過一次,以後都怕怕,平都咁話

ANA OR JAL係3pm在HK去大阪,10am左右回HK,時間唔係太好,會前後無2日玩,但ANA做緊生日優惠,如果你們12月出發,其中有人係11月 or12月生日的話,咁可以用$2650出機票,TAX係$550,一個人可出兩張機票,但$2650係normal price,如果去到high season,要加錢的

CX係最貴的,因為時間係最好,11am在HK出發,6pm在大阪返HK

大阪民宿,我介紹lee間,一層2間房,share 1個bathroom,4個人剛好book一層,唔需要同陌生人share,book lee間可以口頭hold房,但如最後真的cancel booking,請一定要告知對方cancel,千萬不要no show,免屋主担心,我兩次去大阪全個行程都係住lee間,佢交通方便,又近shopping區,但至少要book2晚的
http://www.mochi-3678.net/

你先睇下package個價,包2晚hotel,另外一晚住溫泉,2晚住民宿,如只買機票會抵d,咁可以全程住民宿,我12月去8日7晚,坐ana生日優惠,只係機票加民宿lee part埋單係$4600

如果住溫泉旅館,可以去神戶的有馬溫泉,你預$2000一晚都至少要

因唔知你地的喜好,好難提供建議,大概行程如下:
第一日:
機場,大阪逛街(住大阪hotel)
第二日:
京都逛寺(住大阪hotel)
第三日:
神戶有馬溫泉,在神戶逛(住溫泉旅館)
第四日:
返回大阪,去環球片場,或都大阪shopping, eating(住大阪民宿)
第五日:
京都(住大阪民宿)
第六日:
如果喜歡見到一大個公園上有一好多鹿自由咁生活的話,可以上午去奈良公園,下午返回大阪逛(住大阪民宿)
第七日:
如果係坐CX 6點先上機,咁可以先去機場附近的outlet,之後回程返HK

大阪係有好多野食的,比起東京,佢係平,唔會差過東京,有D更一定要食的

和牛,日本3大名牌和牛,係神戶牛,松阪牛,近江牛,3種都係入口即溶的,如果在神戶食牛會貴d,可以去大阪食松阪牛
神戶牛:http://www.mouriya.co.jp/index.html
松阪牛:http://www.matsusaka-projects.com/menu/index.html

河豚set lunch,$1xx都食到:http://www.zuboraya.co.jp/

超甜蟹:http://www.douraku.co.jp/

如果會在心齋橋,難波一帶逛,可以去附近的黑門市場外賣新鮮唔貴的魚生

住大阪酒店,首選住梅田區,果度係大多數的交通中轉站,方便得很,仲係shopping區tim!

可以唔駛買火車證，雖然另外有個關西／山陽火車證，但我去個陣計落差不多，所以無買。
我住過一間好近Kyoto火車站的民宿，好新好乾淨唔算細仲有小kitchen, 但係唔好意思，唔記得名，8000yen左右。不過我是看歐陸旅運出的書做資料搜集，不妨放工去嗰度攞資料，火車證D事佢哋都好清楚　Tel: 27710982 旺角菏李活中心
視乎個人興趣。因本人較喜歡景和大自然，所以花了不少時間在京都，大阪只是２天，神戶有點西方色彩，但不算特別，即日來回。
7-8Kbudget有點勉強，因為往大阪的機票及稅是比Tokyo貴，且大阪機場至巿區的火車票也比東京的貴