我有無做錯呢？
2006-11-05 4:57 am
我o係一間做中港快運既公司做細車司機加跟車加倉務，返11點-8點(上班時間要打卡/收工無定兼不用打卡)而如果加班(本來做2車要做3車快件，收工變10點)就每人比多100蚊，月薪$7500乜都無，而我就啱啱考左18牌，已經要我駕大車(但無話加薪)，我就同老細做左2.5年但佢中途將公司改名，而我就變左只入去10個月。11月2日晚上要加班，但就請左3個人(當日上班)，老細就用呢個理由話唔比100蚊，我同4個同事情緒激動就o係公司破壞左2張爛枱(因為我地比倉主管煽動，係佢帶頭掟野先，又講D煽動既說話)，而佢就o係我地破壞果2張爛枱既時候停手。11月3日我地就5個人習體請病假(有醫生紙)，老細就報警話我地其中3個人(刑事摧毀或損壞財產) ，而今日11月4日返到工司，收拾自己既東西(從我所駕駛的車上)包括車燈及音响(已比人檢查)，係用我錢買都拎走。老細返到公司，叫我簽一份野，話我o係11日4日離XX，公司有權追究(刑事摧毀或損壞財產)，糧就出到10月31日(無補錢)，唔簽就真係告我，我就被迫簽左.....我而家就好嬲，我有無野可以做到，我真係好唔開心....請幫忙解答....
回答 (2)
2006-11-05 7:28 am
✔ 最佳答案
你都簽左紙喇........其實上, 如果你有(刑事摧毀或損壞財產), 佢有權即時炒你唔補代通知金比你, 但他欠你的人工, 你卻有權追,
從以上文字所講, 你11月2日還是工作天, 因此你當天的糧他還沒有出比你, 你可以追,
11月3日你請病假, 但根據勞工發例, 只有連續四日的病假才需要支薪, 你病一日老細有權扣人工
即你最多只有2日人工加100蚊, 你可以追, 不過:
你老細有權追你整爛的東西, 如果你追佢人工, 你要嘔返d錢出黎, 仲比人告有排你煩
其實我都唔知你嬲乜, 如果佢話唔比果100蚊你就唔好同佢加班囉, 笨人出手, 你有份打爛公司d野, 點講都係你唔岩, 佢唔加你人工你有權辭職, 佢改公司名你有權追討遣散費, 其實係你自願同佢打工, 佢逼唔到你架喎, 不過我覺得你簽少左份野, 就係叫公司簽一份 不追究的文件給你, 即使你簽左今日老細比你果份野, 他明天告你也可以的, 佢自己寫到明有權追究, 你簽左, 即係公司可以追究, 證明你有份(刑事摧毀或損壞財產),
簡單講, 如果你無簽, 佢就要報警入到你罪你先要賠兩張爛桌,
但係你簽左, 他不單不用出量, 還可以追你賠返張桌,
佢只係100蚊姐, 攪到人地報警留記錄還要被即炒, 當買個教訓吧
找另一份工作, 呢個世界係好難撈架
2006-11-05 7:00 pm
依家搵食難........睇開些.....不喜歡就轉工吧 !!
收錄日期: 2021-04-29 18:50:24
原文連結 [永久失效]:
https://hk.answers.yahoo.com/question/index?qid=20061104000051KK04829