個心好痛!!!!!!!!!!

我都有你咁ge經歷嫁~
我同前男友散左年幾la~
我知道自己放唔低佢~
覺得如果同第二個一齊會對佢好唔公平~
我知我地都唔可以再一齊~
所以只要見到佢開心我就開心~

你而家有個咁好ge男友就要好好珍惜~
每一個人都冇可能忘記之前發生ge野~
你知道你同前男友冇可能就唔好去諗la~
就當係一個人生ge經歷~
其實而家好多人就算結左婚另一半都未必係自己ge摯愛~
所以過去就由得佢過去la~

都係好似上次答嗰個問題咁，你哋其實有冇諗清楚，愛一個人嘅定義係咩嫁…你哋有冇諗過其實自己可能習慣咗同嗰個人一齊，一下子要分開所以接受唔到、成日諗住佢呢？

好老實咁講，我自己就試過。我同過一個人一齊咗成年，分開咗之後我足足喊咗六日，哩六日又唔食嘢、唔飲嘢、唔同人講嘢…好似失去咗全個世界！！响一齊嗰一年，我同佢每日生活同一個地方，做咩都一齊，不論天氣好壞，每日一樣一齊過。朝早一起身大家會企响閘前向對方嗌早晨、一齊做早操、一齊食早餐、上堂、霎晝佢一定會餵我食嘢…一齊練樂器…漸漸己經成為咗習慣。分開咗之後所有嘢都停晒…咩都係自己一個…好唔慣，好似我一下子咩都冇晒！直到有一次我餓到暈咗，我終於發覺，我唔係唔捨得，我只係唔習慣…

「習慣」愛好容易令人覺得自己好愛佢，因為事實上，感覺真係好似冇咗佢唔得。但係你哋諗清楚，每一段感情都會有此有終，縱使一對老夫婦，佢哋都會有終結嘅時候，就係大家都會經過生老病死，死亡就係一個唔想終結嘅句號。你覺得佢最愛係自己，咁你自己呢？真係最愛佢？！你嘅最愛又係咩定義呀！愛情唔一定要擁有嫁，有時放棄都係一種愛嘅表現唻嫁。

我以前同人私奔，當時我究覺得我哩一生最愛佢啦，我哋係比佢屋企人開隔兩地先分開。最後一次走佢話會同我走，到最後佢呃我，我响應約地方等咗兩日兩夜，番到屋企打開ICQ，佢話：「我唔可以再同你走嘞，再走佢哋會打死我嫁！」當時我個心比你痛十倍呀！每次諗起佢我就喊…成日問自己為乜？佢要走，你何不比佢走呢？比個機會大家搵個比對方更好嘅！

既然你自己都好清楚個男仔係唔會為你改變任何嘢，不如你都放開手啦！將你放唔低嘅感覺化成回憶。一段感情一定有佢美麗嘅地方，既然控制唔到自己唔好諗佢，咁咪唔好逃避，一次過諗晒出唻囉，你會發覺，原來都有開心過吖。

分手係必經嘅階段，走得瀟灑D，對自己都好D。你身邊有人對你好，你唔好傷害佢呀！若果當初你同佢一齊係為咗容易忘記你之前嗰個，你已經傷咗佢，若果你唔愛佢，你就直接同佢講，可能佢都察覺到你有嘢放唔低 ，咁係傷得最少嘅方法；若果你對佢有少少Feel，或者係愛佢嘅，你又想同佢一齊，咁你一定要學習放低你前度，你要同依家嗰個講：「之前我係放唔低佢，但係，我會學識嫁，比D時間我吖…我會…為你放低佢！」(但係我希望當你講哩句嗰時真係真心！)

最後…响哩半年唻，你一直都比哩段感情捉住自己，你唔覺得辛苦咩！最愛最愛…可謂最愛？！每個人都有一個定義去解，大多數人解至愛，而我…就解作最後一個愛。唔到人生最後一刻，我都唔會知道邊個係我一生最後一個愛嘅人…成日記住呀邊個邊個係最愛，到下次失戀又係最愛！我想你唔好比最愛(包括你前度)鎖死自己…人生仲有好幾次戀愛來臨嫁(我上次都有咁答人)…放過自己，比自己一次感受被愛嘅感覺吖！

我剛分手的女朋友與你差不多 , 個男仔不愛佢 , 但佢都選擇同我分手 , 佢話唔想面對我 !
其實我知道後無嬲佢 , 依家都想繼續同佢一齊 : (

既然你接受得現在的男友 , 他應該不錯 , 而你都應該是愛他的, 你都感到他對你好 , 你更應珍惜 , 如果你怕傷害現在的男友 , 你不是逃避 , 反而要對他更好 , 多謝他對你的好 !

我都有甘既經驗架..
果陣都唔知點算好,因為真係好愛之前果個呀..放唔低距..
不過之前果個又唔好,又唔好幾理我,成日呃我,但係我地係異地戀..
後來出現左一個對我好好既人,姐係我宜家既男朋友,
我上次因為返大陸,之後就同我之前果個錫果d野,
不過果陣我已經同緊我宜家既男朋友一齊左.
果陣聽到之前果個有左女朋友,好心痛,就戒手..
但係最後知道左距其實一腳搭兩船就好憎距啦..
雖然有時都會好掛住距,不過次次甘果陣,
我都會係度諗,我同距唔會再有可能架啦.
我宜家已經有一個對我好好既人,要開心俾距睇,
所以我都希望你可以慢慢甘忘記之前果個,,
一心一意甘去愛你宜家既男朋友,俾其他人都知道係好幸福..
簡岩左人..

你俾我0既感覺係，你唔夠愛你自己。
如果你愛你自己，你就會看重你自己，因此亦會看重你身邊嗰個人。
可能因為你同前男友只係分開咗半年，仲未過哀悼期，所以先仲會掛住佢。
其實你有無離開佢0既生活圈子?仲有無機會見到佢?
只要你盡量避免觸景傷情，再過多一年半載，應該就會忘記佢架啦，只係時間問題啫。
下次諗起佢0既時候，提醒自己，你要尊重你依家0既男朋友，唔可以再諗以前嗰個。
記住 -- 尊重!!!

好明顯你既問題祇有你自已至可以幫到你，有一個好好既人響你身邊，而你就掛住一個愛你好小既人，你好似上左毒癮，巳經介左，明知唔好，偏偏想住，第一步你巳經搭出左，唔好半途而廢，幸福巳經係你身邊，唔好隨便放棄，下定決心，從你既幻想世界醒覺，祝你同你既男朋友幸福快樂。

因為你同以前男友一齊時間比較耐 而且佢唔肯為你改變
你曾經想佢能為你改變一齊 但是佢做唔到
所以你會掛住佢 你鍾意佢但是佢最愛係佢自己 而不是愛你
你都知同前男友無可能一齊 還要作賤自己 唉~~
既然你有1個愛你既男友 你還想點呢
張掛住前男友既心情收起 轉移現任男友 你仲可以得到快樂
否則 愛你既男友離開你 前男友又唔要你 你仲傷啦
只要記住前男友唔鍾意你 係佢既損失 我要活得開心快樂
與現在的男朋友一起開心過你們快樂的日子就好喇

可以話你知的...愛自由...只係借口...既已走的不要多留...既已來的便要珍惜....現在只係你沒有全情投入現有的愛情....好男人..真的好難搵...你現在搵到...便好好珍惜....多想想你與現任男友的美好時光...多與他外出..慢慢你就可以放下的....比信心自己...點解我知...因為我都係男人..加油啦....

比著我，我會令佢重重的ｈｅａｔ自己，對佢死心