✔ 最佳答案
當你開完鑊後,就用洗潔精把鑊清洗乾淨,還要預備食油及厨房用的抹手紙,因為還有些步驟是要做的,。
把己清洗乾淨的鑊盛滿水,然後用煮食爐把水煲滾,當水滾後便轉文火繼續再煲多10分鐘,目的是把生鐵的污糟嘢及隻鑊的生鐵味一齊煲晒出嚟,之後隨即把熱水倒掉。
*跟住就放返隻鑊落煮食爐,開火把鑊燒至水份完全蒸發,直至燒紅隻鑊為止,便可以熄火了,然後即刻倒入少許食油,用抹手紙把油以打圈形式的把鑊抹一次,直至把油塗滿鑊內為止。當抹鑊時,如見抹手紙有污垢,便用過一張新的繼續去抹,直至沒有顏色再抹出來就為之O.K了。
(新鑊時,可能要重覆以上步驟多次,才能把鑊抹好的。)
還有一些小貼士提供給你:
每次用完鑊煮餸之後,如非必要的話,請盡量不要用洗潔精清洗,衹要加d 水落隻鑊度,開火煲滾d 水及用鑊刷子把油漬擦出來,再做以上*的步驟(用油抹鑊),才可把鑊存放起來。
抹油目的是防止隻鑊生銹,而煲滾水洗鑊是令隻鑊煮嘢會更有鑊氣,所以很多大排檔及酒樓的厨師,都係唔會用洗潔精洗鑊,原來真係會煮嘢好食d 咖!