網上有無免費的財務策劃?哪裡?

無,就算有都只係一些收集你財務資料的問卷,最後都係會由一位所謂的顧問聯絡你話會免費為你財務分析及策劃。因為佢地主要係搵客。

事實上所,佢地只是一位富投資資訊及持牌的產品推銷員,主要睇你(每月)可以抽幾多錢畀佢賺,(佢會講得好好,話為你未來作投資儲蓄)。

眼見咁多個呢d所謂財務策劃,發覺個個都係一樣,佢唔會理你有冇錢洗,但佢會利用一些未來的未知數同你講,待你買個希望。
由於投資涉及風險,佢唔會作任何保證,但會引用好多過往數據及美好的前景令你畀錢佢賺。

財務策劃只是財務分配的計劃,除要計劃如何避開有機會出現的經濟問題外,還要有效的處理手上的資金,金錢在平衡風險下發揮最大的增長機會。

投資儲蓄的目標-----未來的龐大開支(結婚,置業,教育,退休)
投保的目的----未來估計不到的轉變(意外傷亡,失業,醫療)
流動資金的儲備----以作短暫臨時應急之用

除非對某項投資的信心十足,不然的話不應大部分放在單一投資項目上,要分散於不同的項目來減輕風險。投資好講你對該投資工具的認識,搵人幫手,倒不如裝備好自己,為自己策劃一份好過。因為當你經濟出現問題時,替你務策劃的那個都未必幫到你,最後都係靠你自己。