到德國升學查詢

✔ 最佳答案

1) 要視乎你想係德國讀咩,因為德國大學既課程分德文課程同德/英課程,如果你要讀全德文課程,一定要考德文試TestDaf或DSH,TestDaf香港有得考,大概一千幾百蚊,但德文除非你係大學讀,否則係歌德讀既話,讀幾年都未必考到TestDaf,因為歌德既course一個星期得一堂,又貴,唔合乎經濟原則,況且係香港學幾年都不及去德國學幾個月,所以建議你直接去德國讀.而一般來準備入大學既人,(德國呢度有好多預備大學語言班),初學A1(一句德文都唔識),到高級B1-C2,一般係德國大概要讀一年至一年半德文,之後先考TestDaf或DSH入大學.如果你係讀德/英課程,咁就大既只需要一百幾十學時既德文程度,再加Toefl成績,不過間間學校要求唔同.而一百幾十學時既德文程度(其實一百幾十日常溝通都唔夠,只係用來讓你一開始係德國冇咁難生活),係香港學可能成年都未學到一百幾十個鐘....但係係德國學,因為intensive,所以一兩個月已經有...所以都係來德國學好d....

2)而家德國好多學校已經開左Bachelor位,所以唔一定要讀到Master (Magister)或Diplom,而international programme,即係德/英課程,多數都係Bachelor/Master,所以可以唔洗一讀讀完Master/Diplom咁費時.

3)呢度好多科目都出名架喎.....咩科好depends on學校, 一間好山卡啦又唔出名既學校,都可以有d 好勁既科架喎.....不過可以話你知,呢度無論咩科個個讀書都好認真,絕對唔係好似d人諗以為係歐洲讀書可以慢慢讀,好疏乎.....!!!

4)食宿可以好貴,都可以好平,depends on 地區啦, 一般來講, 一定支出有 :租,生活費,交通,醫療保險....大既5-6千港幣啦.

5)香港學生優勢....我覺得香港學生因為有英文語言基礎,學德文會冇咁吃力...同埋會易d適應用外語上堂.....但係德文確實係一種好難學既語言.
香港學生不利因素.....當然..就係呢度好少香港人囉,大城市或者會多d...細town既話...可能成間學校都未必有一個香港人....如果你同外國人相處唔來....會幾辛苦.....而比較可以話同聲同氣既大陸人同台灣人, 雖然都係講中文,但背景唔同我覺得始終大家未必可以''好啱key''....所以要來既香港人,要對孤獨有心理準備.

6)一般來講,德國人雖然好冷酷,但係對人都好友善同德國社會比較有人情味...歧視其實好少,但有時有d老一輩既人會唔係好鐘意外國人,因為驚外國人搶飯碗,但佢地最多都係黑面,語言上都唔會點既...仲有,相比起英美澳加四大港生留學熱點,我覺得外國人較容易融入德國人既圈子,因為呢度唔會對自己有一份虛榮感,唔會覺得自己比外國人高一等,所以佢地比較open mind去接納外國文化,尤其係年青既一輩.

7) 當然唔係啦,德國入籍非常之難,有好多人住左十幾廿年都入唔到藉,原因係德國本身並唔係一個移民國家.

回答 (3)