想問如看見啲貓貓流眼水是否即是有病呢?

如果係異國短毛/波斯等o既扁面品種係會經常流眼水. 一般眼水應該經過淚管, 鼻咁樣排走o既, 但因為佢地扁面, 淚管被壓住, 眼水冇得走所以就流出黎.
另外只要d眼水唔係黃/綠, 又冇其他病徵, 都唔駛太過擔心!
唔放心, 最好都係睇醫生啦!

原因可能有:
1. 幾隻貓玩時唔覺意整親。 試過隻細貓唔夠打, 於是等大貓瞓覺時玩偷襲, 點知大貓發老皮, 一把冚過去, 抓傷咗細貓隻眼, 所以記得同佢地剪指甲
2. 呼吸道感染。 貓既眼、耳同鼻係相通既, 是旦一part 受感染, 其他部位的分泌都會增多
3. 細菌感染, 角膜炎
4. 淚管蔽塞, 平日滋潤眼睛的淚水唔可以由淚管流回喉部, 反而由下眼瞼流出來, 下眼瞼因時時被淚水醃住, 所以會有好輕微的紅腫, d淚水氧化後亦搞到眼尾附近d毛黃金金。但淚管蔽塞獸醫話係無得醫既, 就算通咗淚管好容易又塞番, 所以唯有勤d同佢清潔。我有隻白貓就有呢個問題, 佢全身白雪雪, 淨係一隻眼尾黃金金, 激死我。
如果貓眼嚴重發炎或出現第三眼瞼, 都應立即睇獸醫。

這可能是貓貓眼睛發炎
應該帶牠去找生獸醫了