請問九龍有乜私人屋可以養狗?(10points)

旺角, 大角咀, 觀塘, 太子, 長沙灣, 深水埗, 九龍城, 紅磡, 土瓜灣既唐樓都養得, 但無lift及好雜, 唔係太貴租, 三四千蚊啦! 但你話私人屋苑就難講d, 我唔知你budget幾多呀! 恒基起既樓都可以養狗, 例如新都城啦! 或者你可以考慮埋沙田及大圍既村屋, 一個三四百呎單位都係三四千, 都好方便架! 住得唐樓都比較雜, 但我住太子兩年夜晚又唔覺好危險喎!

港灣豪庭係准許養狗o既私人屋苑, 係奧運站附近. 我自己都正考慮搬去o個到.^^

深水埔近大埔道一帶都好好住, 我都有養2隻松鼠狗. 又方便, 唔好住鴨寮街o個邊咪得囉~
希望幫到你啦~o個度d樓又唔係好貴租,我自己一個住300呎都係4000蚊,有lift, 幾好吖,平d都有~ 附近唔好有黃色招牌就可以了~^^

九龍城舊區那些唐樓是可以養狗的,
而且租金又平,
不過無升降機,
而那一區是泰國人聚居的地方.