唔值得被愛 ....

咁你係咪成日講大話欺騙佢先？
無論你講既大話係大事與小事，
其實對一個愛你既人嚟講都已經係好嚴重！
兩個人本來就唔應該存在謊言，無論佢係善意與否！
謊言真係會令人好心淡，
你每次講大話，佢每次去原諒，再每次為咗你講大話而爭吵，然後又再和好，
然後你又再講大話欺騙佢......不斷不斷地重複
的確會令人好累，如果對方係好愛你的話，佢更加會覺得心痛，
當一切付出咗而好似得唔到d咩既時候，值唔值得去愛呢個問題就會出現！
你係咪都一樣係好愛佢呢？
愛一個人要好多大努力，
有時佢想要既並唔係你去給與既，
你想得到既又未必係佢可以付出既！
所以兩個人一齊，一定要好努力去了解對方究竟係想要d咩野！
值唔值得係自己覺得，並唔係要其他人去衡量！
需要佢對你心淡，但你依然可以愛佢！
你依然可以為呢段感情再付出多一點，
唔好咁輕易去放棄一段感情呀！

係咪發生左一d 事而令到佢咁講, 你最好了解下先.

愛一個人無話應唔應該，因為自己都控制唔到，
你成日講大話，咁你真係唔啱，唔怪得佢咁對你，
如果你仍然想維持呢段感情，你就要改呢個壞習慣，
而且唔好再做D傷到人既野，你覺得自己做到既，
就同佢講，再睇下佢點~

好老實講句呀, 如果我既伴侶再叻, 再漂亮, 再合乎我心意, 如果成日同我講大話既, 我一樣選擇分手

因為, 佢無左最大既誠信

你試想下, 伴侶係陪伴你一起度過好多生活壓力 / 難關, 如果連呢個人都信唔過, 咁點樣同渡下半生?

當然, 我唔係講要100% 公開你既私生活, 或者無私人空間, 或者唔比你做錯事, 而係當大家都要互相猜疑時, 咁你呢個伴侶, 比留個敵人係身邊, 更慘.

*** 沒有任何謊言, 可以暪騙另一伴一生一世, 因此與其欺騙, 倒不如坦誠 ***

故此, 樓主先想下, 點解要成日講大話, 呢個情況一定要改善, 同埋比到個信心對方先, 否則就算你再愛佢, 都遲早分手 ~

去了解下點解佢會咁講lo, 一定有因素既, 任何關係都需要良好的溝通,唔好自問先答, 好多時都係講既無心聽既有意架....真係看清件事先免將來後悔la.

梗係唔係叫你唔愛佢啦

既然你地仲愛對方..

咁佢既重點就係想你唔好成日講大話 咁先值得愛返你ga嗎..

個個人容忍都有個尺度..就算點愛你都冇可能接受晒你成日呃佢

不過如果你都係愛佢既..就應該可以為佢改..

但係凡事有兩面睇..你覺得愛一個人係要佢就晒你既..

咁你就唔洗再去愛一個話你唔值得愛既人

如果唔係..我比既意見就係應該可以為佢改..唔好成日講大話

希望幫到你!^^

點樣講大話先???事情都有分嚴重性~