✔ 最佳答案
我都係上年考中史.我只答左3題半.雖然只得C.但都有少少心得分享一下。
我甲部只係溫左秦、隋唐、明清
乙部對外戰爭、維新、國共、抗日
由於甲乙部都係6揀2,好多題都可以揀
總共答4題.有2個鐘時間.
一定要係5分鐘揀題目。
6題唔一定要睇哂.你要睇左你最熟讀既個題先,
如果識既.即刻做.最熟個題,要係25分鐘內完成,
唔好因為你識答,而寫太多
而餘下的3題,你應該係30分鐘內完成。
.第一、二問你中pt就得,短問就短短地寫一行算,
要快、中、準
.第三、四問相對上係要多時間d
我答開三問都係十行到..
第四問就多過十五行,
有引言(點明立場)、內文(詳細論述)、總結(重申論點、總結上文)
如果冇時間,引言同總結唔洗寫太多。
尤其係引言,冇時間既,真係寫出自己立場就可以。
平時溫習宜多多練書寫速度,第三、四問真係要寫得好快.
溫完習既,可以嘗試做下第三、四問。
希望以上既幫到你啦!加油!中史只要熟讀,分數唔難拎=]