請解救我~

以上都有好多網友介紹左 d 戒賭資料,我亦無須再作介紹,不過,我講我的經歷俾你睇下你的問題,好多人都有呢個經歷,並唔係乜野世界末日,我有一個大我 10 年的大哥,佢好細個就出黎做野,係政府部門,因為工作時間輕鬆,所以好多時間,就係咁沾染左賭癮,佢不時都會偷空過大海(澳門)但佢賭運甚差,馮賭必輸,常常都以為終有一日會贏番,所以愈賭愈大,最後仲問大耳窿,財務公司同 d 同事周圍借,(因為佢做政府工,借錢真係好易)由最初求我地借幾仟到幾萬不等,雖然我對上除左佢仲有 2 個亞哥,不過佢地企得好硬,話唔借就唔借,佢就求我,由於我已經結左婚,而我 husband 又有一定的經濟條件,我根本無須工作,亦可以過得好好,但係基於我亞媽喊住打電話求我,我惟有救佢,為左我大哥,硬住頭皮同我老公借出四萬,但我係一個有原則的人,雖然身為兩公婆,但係佢冇義務顧埋我外家d 麻煩事,所以我只好找尋工作,代兄還債,每月都還2 仟,我工作後,點知我外家唔只個大的有問題,連最細的細佬都走大佬條路,我當時所工作的金錢,全都貼在兩個兄弟身上,這段日子,我雖不快,但為左年老的媽媽,亦只好繼續捱,不過佢地不但只冇反省更加無戒賭,兩年過去,我老公借出的四萬亦已還清,正想辭職安心湊女(當時我個女10 歲),點知我大佬有一煲仲杰的跟住黎,原來佢一共借左大耳窿同財務共 70 萬,係 70 萬,唔係 7 萬,4 萬我都還兩年,今次我真係無能為力,雖然我見我亞媽喊得好淒涼,但我唔可以為左我咁唔生性的大佬而同我老公借,況且我都冇本事還,因為有財務上門騷擾,又不停打電話滋擾,我亞媽精神崩潰了,我只好找我另外兩個兄長商量,雖然我知渺茫,都要試下,因為佢地都結左婚,而且佢地兩個老婆都係守財奴,到最後都係冇得傾,我地惟一可以做的就係同我亞媽搵屋搬,呢個時侯,我大佬知真係冇人可以幫到佢,佢只可以離開屋企,唔止咁,因有大耳窿同財務踩到上佢公司,連份鐵飯碗都冇埋(因為屋企只有 3 個人一齊住,一大一細兄弟同亞媽)我同其餘兩個兄長搵左一間房安置左我亞媽同細佬,其他野我地真係幫唔到,第一次我借出四萬蚊之前,佢已經話冇得還死梗,後來我知原來個四萬蚊只係利息,個大佬仲衰到係財務公司咨詢人竟然填寫我家的資料,不停的粗口電話騷擾,因為我要返工,屋企只有我 10歲的女兒,有幾次我放工番到屋見我個女係度喊,我的憤怒你可想而知,我只好搵財務談判,死都話佢地攪錯,唔識借貸人,屋主同借貸人填的資料不符,因為屋主同借貸人唔同姓,無呢個人,仲叫佢地去地政處查,真係無借貸人所填的名字至不了了知,好彩我地間屋我冇名咋~講左咁耐,我只係想話,你幫佢,佢自恃有人幫,係唔會反省,呢段日子我都過得好辛苦,我成日都擔心我亞媽的人身安全,如果你地冇人上門騷擾的話,咁問題都唔太嚴重,你可以搵其他網友介紹熱線中心幫手,如果已經有財務上門,就先要攪掂呢 d 問題,再同你亞媽講,你地係再無法子去幫,因為你地已經一次又一次的幫,呢個鑊唔想再攬上身,你地惟有離開,睇下佢有乜反應,可能你地以前無用到強硬手法去同佢講,至令佢有恃無恐,我都好後悔我對我大哥咁容忍!!!幾年間我總共俾左都有 10 萬,我未結婚之前已經開始 ka la~你地一定要企硬,令佢知道真係冇人再代佢還債,你地其實亦可以暫時搬開,小心觀察你亞媽,佢初初一定會喊生喊死,我知佢一定唔會,如真係有咁 ga 諗法,都唔會拖到今日啦!!

2006-11-10 15:47:38 補充：
身為人母同人女的我,最清楚仔女唔理自己的感受,雖然我大佬咁無用,仲拖累我亞媽,但我亞媽無悔有呢個仔,佢只要呢個仔間唔中打電話俾佢,佢已經好滿足,救你亞媽,只可以靠你地!!~如果你地話唔再理佢,或者可能改變到佢,唔好灰心!!!

我在10內已幫家人還賭債過百多萬 的確好辛苦
到依加無晒錢 就幫唔到佢地 家人都不敢賭得多
只要你無錢 再唔可以幫佢還債既時候 就不會再賭
因為佢知道就算想賭無錢還比人打死 已經無家人可以再幫手還錢喇
只要你得閒就講下 依10年來 我已經同你還左幾多錢啦
我無晒錢可以幫你 就算你比人打死 我都無法子架啦
就算佢要賭 都唔敢賭得多啦

你唔好幫佢,比佢恨恨地撞一次板,佢先識醒架,有時佢都係身不由己

我都有你的經驗,因我有個家人也是因為去賭~甚至去澳門大耳x都在家等佢,問你怕唔怕,但最後我們真的幫不到他,因此他真的走頭無路,但因為他有一份工作,可以自己分期還錢,大約三年才還完,因為我們真的無能為力,所以他只有靠自己想辦法處理,那最後才真的知道沒有其他希望便以後怕怕,真的唔再賭博.
其實我是希望你們一家要狠心d,不要再心軟,因你媽是病態賭徒,你一起不要理她,另外叫她尋求基督教會有一些專門幫人戎賭的組織都幾有效,不妨試一試!!!!!!

其實她是有病的 賭到呢個情况一定要找醫生處理 她自己都控制唔到真的要用藥物幫助
有賭引的人是在輸的一刻才會腎上線素上升 而嬴錢時是會上升的
所以他們一定會繼續賭 直到輸哂冇錢為止.......
盡快帶你媽睇醫生吧!!

我估你亞媽係屬於「病態賭徒」。


作 為 病 態 賭 徒 的 家 人 .....
如果你的家人有賭博問題, 你應如何處理病態賭徒? 你又如何可以改變病態賭徒的家人呢?
作為病態賭徒的家人，首先:
　　. 先要保障自己。
　　. 先要停止做「促成者」。
　　. 先要開始康復。

接著...為了你的家人不再受賭博困擾，在其財政上可作出以下措施:
　　. 不要一筆過幫賭徒還債。
　　. 了解債項數目，總數，及每月總還款。
　　. 嘗試債務重整計劃。
　　. 分期及有限提供金錢協助。
　　. 完全接管賭徒財務。
　　. 提供生活基本開支。


債 務 問 題 及 家 人 注 意 事 項
賭債型成初期的徵狀:
　‧賭徒的零用錢開始拮据，雖他然他的入息不菲
　‧對利息不再敏感，能夠取得信貸就OK
　‧家中的現金(從你的銀包或現金儲備)突然唔見

　‧賭徒開始向他的朋友，親戚借貸
　‧賭徒典當他的或家中的有價物品

　‧未經你的同意，保單的紅利被提取

　‧付稅款的方式有所改變

　‧賭徒主動提出支付家用帳單

　‧擁有過多的信用卡


家人注意事項(當賭徒仍然否認)
　‧取消所有跟賭徒有關的聯名信用卡和銀行戶口

　‧設法防止賭徒知道你的銀行提款卡或信用卡提款密碼

　‧開設獨立保險箱，收藏可變賣的珠寶和財物

　‧監察來郵，挪掉不請自來的信貸提供
　‧拒絕任何信貸擔保

　‧家庭的帳務交款，不再由賭徒負責

尋 求 專 業 心 理 輔 導
如你或你的家人或你的朋友需要專業的協助 .....歡迎聯絡 K & J Consultants
　K & J Consultants 提供的專業服務包括，賭博心理輔導，有關處理賭徒及其家人
　的輔導工作訓練，債務重整，破產處理，及理財教育工作等。目的在於協助求
　重建正常的生活。
＜Consultant 資 料 ＞ Edwand Kwan 關 活 佳
　　　M.P.A., B.A., B.S.W., P.C. Psych., MBPS Certified Gambling Counsellor
　　　香港大學行為健康教研中心榮譽臨床顧問
　　　加拿大認可賭博心理諮詢師
　　　香港大學公共行政碩士
　　　加拿大麥馬達大學大學社會工作學士
　　　加拿大麥馬達大學大學社會學學士
　　　香港大學心理學深造立證書
　　　香港中文大學校外進修學院講師
　　　英國心理學會會員
＜聯 絡 方 法 ＞
　　　地址: 香港筲箕灣道 30-36 號 捷利商業大樓1704室。(西灣河地鐵站出 )

　　　電話: (852) 7775 7104
　　　Email :[email protected]

2006-11-04 02:01:17 補充：
明愛展睛中心==========http://www.gamblercaritas.org.hk/about_c.htm戒賭熱線成立==========http://www.info.gov.hk/gia/general/200310/14/1014249.htm

我只係經歷過朋友俾人追數, 不過而家呢個景況, 唔係佢死就係你亡, 除非你打算賠命, 否則都唔可以同佢玩落去.

某些搵多錢藝人, 還錢壓力大到一個階段直情話同亞媽脫離關係, 所以根本唔幫佢都唔係唔孝順, 而係頂唔順.
你只係俾理由佢欠錢.

如果可以還是跟她脫離, 聯終方法都唔俾佢知好了, 有大耳窿話斬人既就報警, 追數人搵到上你公司既話, 你連份工都做唔長, 咁就連食飯都成問題.

通常話要死既人係死唔去, 要死既人係唔會話俾你聽要死既, 話俾你聽要死既通常都係想你阻止佢, 有決心死既人先唔想你阻止佢.

雖然有d野唔係必然, 不過佢連亞媽應要做既野佢都無做, 咁你係理性既角度分析下佢算唔算係你亞媽?

我屋企都發生過同樣問題，要捉佢去戒賭，打電話去戒賭熱線啦~ 會有人教你點做，如果嚴重o既要找心理醫生，因為佢可能已經係病態賭徒。

我的表弟也是這樣，借錢的手法和大話層出不窮，其實對呢種人你地應該要問清楚佢想要乜，想要錢？有咗錢之後又想點呢？賭唔係辦法來的，要和佢正面解決佢既心結，你可以打去戒賭熱線和約見社工，家人必須要同佢一齊去見這些專家，因為你們要了解並與她一同面對問題！金錢的幫忙是沒有用的，你亦可借機會帶佢番教會，聽多一點人生的道理！煩事總有解決辦法的，問題係你地係一家人，一定要一齊去處理！

有用，夾你阿媽去戒賭，唔戒話 Ham Ka Chan……
你地唔好心軟！

戒賭熱線成立
＊＊＊＊＊＊

　　一條戒賭熱線（電話號碼：１８３４　６３３）及兩間問題及病態賭徒輔導和治療中心將於明日（十月十五日）開始運作，幫助因賭博而出現問題的人士及受問題賭徒影響的人士。


　　民政事務局局長何志平說：「任何人如果遇到因賭博引起的問題，或受到問題賭徒的影響，都可以致電熱線尋求協助。如有關於如何判斷賭博問題的嚴重性或如何預防有關的問題，亦歡迎致電該熱線查詢。」


　　戒賭熱線由兩間問題及病態賭徒輔導和治療中心負責運作。在兩間中心的開放時間內，會由曾受訓練的專業人員接聽電話。


　　民政事務局局長補充說：「除了提供輔導和治療服務外，兩間中心亦會就與賭博有關的問題舉辦公眾教育活動。」


　　政府已要求規範足球博彩和獎券的持牌機構在其投注場所及網頁上展示有關戒賭熱線和輔導及治療中心的資料。


　　兩間輔導和治療中心分別由明愛和東華三院營辦，並由平和基金撥款資助。該基金是政府設立的慈善信托基金，用以資助緩減與賭博有關問題的措施。


兩間輔導和治療中心的詳情如下：


開放時間

────


星期一、二及四

早上十時至晚上七時


星期三、五及六

早上十時至晚上十晚


星期日及公眾假期休息


地址

──


明愛展晴中心（臨時地址）

荃灣柴灣角安賢街１１號


東華三院平和坊（臨時地址）

上環禧利街２號東寧大廈１５０１室


完


二○○三年十月十四日（星期二）