有關謝師宴~

你好呀~! 我中七果時都係搞手黎~
搞謝師宴, 其實你可以直接去問酒店, 佢地會有caterlog, 寫明有咩食, 有冇包野飲, 幾錢一個人, 有冇包其他野(如banner, 蛋糕, 音響)...等等
只要去同酒店方面聯絡下佢地就會提供呢d比你架喇!
問多幾間拎多d資料比較下, 同埋問下老師/師兄姐各間酒店既口裨就得
book酒店其實冇話早幾多既... 不過越早book, 人地可以留到o岩你地既日子既機會大d囉~
我地果年因為大家都好積極好快手咁搞... 所以1月左右已經book好晒6月謝師宴既酒店同落左訂, 所以可以好安樂咁考a-level, 唔駛再撲~
不過睇返你人數得大概200人, 所以可能唔可以係酒店既ball room搞, 要去d細d既房仔
其實可以要求酒店帶你地去睇下個場先決定,
去幾間, 睇下邊個個場好d再決定去邊度, 反正睇場又唔駛錢既
睇果時主要留意下, 當晚會唔會有表演、要唔要台, 個房會唔會有d野遮住視線睇唔到個台, 坐得逼唔逼, d野食擺邊度、方唔方便, 個廁所既位置同環境, 仲有reception既位置... 之類
另外, 要睇返你地會唔會有d小禮物送比老師
如果要買既要留返時間同預返錢
同埋訂野可能會貴... 等等

其實你可以而家開始準備，比如問下d 同學想食中 or 西，然後可以搵定d食肆。

跟住要諗大約幾錢位，學校有無資助，如無，d同學會預幾多錢食呢餐。

除左食之外，仲有買唔買禮物比d 老師，有無禮物作獎品等等.......

仲之有好多野要plan......仔可以去問下d老師....