我隻貓貓每天六點幾吵醒我呀,有咩方法解決呀

我屋企果兩個都係咁,我懷疑佢地見到天光就叫你出來同佢玩,無計架,你試下在window上加遮光布,等佢以為未天光,睇下得唔得,如果你唔想咁快換窗簾,去花園街買2碼遮光布用下得唔得先,得你至換啦.

有朋友教就唔好理佢,佢地叫得幾個字見你冇反應就會收聲唔叫

唉...我兩隻貓貓都係咁呀....
可能係佢地訓醒想出房活動下掛...

我有兩隻貓, 一仔一女, 個仔朝朝天一光就會坐在床邊爪和叫, 直至你應佢為止,
而個女就會等個仔停止後, 坐在你心口, 係咁kiss係個咀.

其實無法啦! 你咪當佢哋係鬧鐘囉, 好準時架!!

從貓貓搬入你屋企開始，佢哋就系你的主人，所以你要聽佢話。不要駡牠，因為佢哋系主人，貓貓被你鬧得多會無心機，有情緒病，咁就大家都唔開心。

基本上冇計，你可以選擇同佢哋玩一陣，滿足佢哋之後再訓過；或者忍心啲，點都唔好開門，開少少音樂等自己聽唔到佢哋叫。

我家的大老爺會在半夜三、四點叫醒我，所以與天光天黑無關。

呵呵 .... 我是開房門比貓貓們自由出入的, 根據經驗佢地不但鍾意同人訓, 天光時更喜歡跳上黎叫醒你或親近你, 同你一齊訓. 我個人就好享受, 因為感覺溫馨呀. 你試吓比佢地自由出入睇吓仲會唔會咁 ..... 試吓啦, 好sweet架.

要教佢地架..同佢地講唔好..係唔係佢地肚餓呀..