前排因水喉漏水,和水箱無水而唔知,,而行到出水蒸氣煙,咁已經即刻停埋一邊加番水,,水溫表就回復正常.....
之後拎左去整,,車房話係因為個""嘩佬""冚谷住,所以唔係換新喉就得,,咁佢話要磨,,磨左之後就會好襟用 wor...
另外可能因為漏水而令到偈油有水...果邊又換左d 野,,再加換cam 帶等..
如是者整左 3 千幾..
點知拎番部車發覺唔同左,,,車頭震左,起步爽左 ,,初頭以為部車有力左..
但用左1,2 星期,,發覺起步好似係大力,,但唔係快...
(個人意見:好似係有力但發唔到出黎),三波打後就開始無力加速,,踏油都無乜反應....平路都仲好d..但上斜2 個人都要用2 波先得,,3 波轉數好快跌........點解點算...???
之前部車係後段幾有力去,,頭段都ok ga,上斜都可keep到用3 波 ~~~
我唔係好識車,,各位幫下手
更新1:
**應該係~~嘩佬冚 / 爭口 果度谷住左,,車房話同我磨爭口,磨左就唔再谷住...偈油有水所以換左偈油同一塊鐵(塊鐵燒左),,換cam 帶,係因為佢話見 cam 帶到期換埋,,(其實我條cam 帶應該未有耐要換).......
更新2:
***有朋友話可能cam帶唔正,所以唔去, 又或是爭口磨多左之類..... ***另外可能是火位 或者 嘩佬腳 較得唔好 我真係唔知~~~
更新3:
***今日我拎番去車房,,個師傅好粗略咁檢查左,,(不過我對佢真係無乜信心) 第一,,著車果陣寧開水箱蓋,話無氣泡,無野a好正常... 第二,,著緊車果陣佢,佢逐支火咀寧出黎睇,,4 支有3 支一拎出黎好快部車就死心,有1 支拎出黎架車無死火,(我見果支個火好明顯大d ga wor)佢話果支走電,所以個引擎得3 個做緊野,所以梗係無力...佢話換火咀線 ..但又無講幾錢話放低先,第日先報價~~(我驚佢知我唔識車,報個大數俾我 !) ***我都好想知如果換左後,,四個都 work,,咁架車頭係咪唔會咁震 !