養松鼠狗(迷你)girl　macau or hong kong

其實養狗唔係貴, 豐儉由人, 睇你買咩狗糧(名牌定唔名); 買幾多玩具衫仔...用最多錢反而係睇醫生, 狗牌同打針各幾百元, 所以一開始最少二千元(連買狗)

除左考慮金錢問題..最重要係心機同耐性. 你會花多少時間陪佢? 你願意不辭勞苦咁服待佢大小二便同飲飲食食? 仲要注重家居衛生, 做多d家務, 保持地方清潔.

另外, 松松係玩賞犬, 好鍾意玩, 叫! 你屋企係咪准養狗? 如果佢被投訴, 你可以點做? 好多野你都要諗清楚.

我每月去狗場照顧流浪狗, 見到佢地真係好心痛...仲有, 如果買返黎隻狗狗有事, 你係咪會退番去? 你知嘛, 好多無良狗店對待呢d被退小狗, 不是打針整死佢就係放逐佢...所以先有咁多流浪狗. 你有無考慮佢---一條小生命o既命運??

心思而後行. 如果可以, 領養一隻狗更有意義!