緊急!!!!!!!!除唔到con!!!!!!

one day比較濕潤，so比較難除。
建議先用手惦住鏡面，眼望上，然後捉住con的下半部除佢落黎；
都唔得就去眼鏡點買個除con用的吸盤啦
唔使驚架，我之前都係咁呀，又係好驚，不過而家戴熟了就無野喇!!

2006-11-03 18:12:11 補充：
話時話，最上面呀大學生都答得幾九唔搭八, 佢知唔知人地問甚麼架!?

2006-11-04 21:57:50 補充：
其實硬式軟式都得，因為我試con時都用呢個除!唔係你買之前問下sales先買啦

2006-11-06 16:22:47 補充：
you're welcome !!

唔,我都係用one day con.一般除唔到你滴幾滴眼藥水就得la.如果都唔得,咁你要確定你真係有戴con,我都有過咁ge經歷,不過最後原本係戴哥時戴唔到,自己又唔知.都唔得就睇醫生la!

UM....會唔會滴多d眼藥水,閉眼15秒,比d勇氣大力一夾?

我本身自己眼水少...試過因為捽眼捽走左個con@@

不過我唔係醫生...唔好亂試呀...

隱形眼鏡的護理



隱形眼鏡的使用在香港是十分普遍，但不適當的處理及清潔程序可以引起嚴重的副作用，如微生物性角膜炎。病人會有紅眼、怕光、視力下降，如不能及早發現及接受治療，角膜炎能演變至含膿包，嚴重的甚至可以失明。
隱形眼鏡是醫學用品，法例規定，只有註冊眼科醫生和獲准驗配隱形眼鏡的註冊視光師才可驗配，市民在購鏡前應讓眼科專業人士驗眼，檢查眼睛狀況是否適合佩戴鏡片。
除非採用每日即棄式隱形眼鏡，否則所有隱形眼鏡(傳統供長期使用或即棄式)都必須在每日用完後，除下來徹底清潔，以免污垢積聚在鏡片上讓細菌滋生，而使用期較長的即棄鏡(如一個月)，更應在使用幾天後進行消毒程序，以進一步減低眼睛受感染的機會。市民亦不應自行延長即棄鏡的使用期限，例如把兩星期即棄鏡用上15天仍不更換。
市場上主要有兩類隱形眼鏡護理產品，一類為單用途產品，包括清潔液、含雙氧水成分的消毒液及其中和用品、除蛋白藥片和供沖洗及浸存鏡片用的鹽水；另一類為多功能藥水，即一瓶藥水同時提供清潔、消毒、除蛋白、沖洗及浸存鏡片等多步驟使用。無論用哪一類護理產品，都要小心處理，切勿弄污樽口，以免細菌污染藥水，更不應自行配製鹽水或以唾液來清潔鏡片。
另外，許多市民只知要清洗鏡片，而忽略了清洗眼鏡盒的重要性。若不清洗乾淨儲存盒便把新開封的即棄鏡放進去，新鏡片很快便會被鏡盒內的細菌污染。每早取出鏡片後，鏡盒不應留在潮濕的地方如洗手間，否則細菌便有適當環境產生保護膜，以後再用藥水清洗也不易把細菌殺掉，而需以沸水徹底消毒。較理想的做法是，每天用擦子洗擦鏡盒，然後用蒸餾水沖洗；或放進沸水中消毒，然後置於空氣流通的地方打開盒蓋讓盒子自然風乾。無論如何，儲存盒都要定期(約3個月內)更換。
如眼睛出現問題，如眼紅、痛楚、視力下降，即刻除下隱形眼鏡，戴回傳統眼鏡，若問題持續，應盡快尋求眼科醫生協助。