✔ 最佳答案
我有一次喺大陸食新鮮青口嘅食法係;開邊打邊爐。
嗰次我親眼睇住阿魚王(即係賣海鮮嗰個阿叔)左手揸住隻青口,右手揸住把刀仔就喺隻青口中間一[湯],隻青口就分開咗兩邊,跟住用隻右手搣咗啲鬚再用水沖沖佢,再續件排晒喺隻大碟到跟住攞出嚟俾我哋打邊爐。
嘩.......!新鮮好味,正到不得了。
p s:原隻新鮮青口只賣人民幣 1蚊隻。
另外有一款煮法就係:清酒煮青口
1.新鮮青口買返嚟用刷擦吓啲青口殼再用水沖乾淨佢,燒鑊水拍一嚿薑拍三兩粒蒜頭放落鑊水到,水滾就落青口煮煮佢等啲青口煮到開晒口就用筲箕撈起,可以嘅話最好準備一盤冰水浸一浸啲青口 [等啲青口食嗰陣會爽脆啲],喺浸嘅期間可以幫啲青口續隻搣咗啲鬚佢。
2.另外再用兩湯匙油起鑊爆香薑、葱、蒜、唐芹菜段再贊兩湯匙日本清酒然後將青口格咗冰水後倒落鑊到炒幾吓,再落小小雞粉、鹽、糖、胡椒粉、麻油同埋一碗日本清酒小半碗水用大火煮佢大概三四分鍾到,再倒上一隻日式大湯碗到即可。
希望可以解答到您嘅問題啦。Thanks.