攪拌器邊個牌子好呢???

想買個攪拌器但又唔知邊個牌子比較好？
我認為有兩個牌子比較好。
1.威馬牌。
佢喺大陸都算叫做名牌，雖然係國產貨但佢嘅QC唔差 架，而最好嘅就係款又多價錢又實惠，一句講晒：平，靚，正呀。
2.捷家伴。
捷家伴呢個牌子冇理由唔識呱，佢現時有部份電器亦都係喺國內生產，但佢嘅QC質量要求重高，而且又係我哋好熟識嘅一個大牌子。佢比起威馬牌就貴啲但當你用過就覺得冇買錯呢個牌子嘞。

其實嚴格嚟講攪拌器係唔可以當榨汁機咁用，講到明係攪拌器又何來榨汁呢，攪拌器係用嚟將啲食物攪碎又或者將啲食物攪伴均勻咁解。而個sales話攪拌器係可以榨汁，不過榨出嚟就有渣嘅意思係；
例如要整杯甘筍汁，如果就咁將甘筍用攪拌器攪到好碎再用嘢格咗啲渣佢先至倒落杯到，倒出嚟睇怕會冇乜汁之如又或者係完全冇汁。但係如果加多一杯水落去同埋甘筍一齊攪拌嘅話，咁就格唔格渣都可以倒出一杯美味嘅甘筍汁嘞。咁樣積係代表攪拌器根本係唔可以用嚟榨汁嘅。
而榨汁機嘅原理係將食物揸出汁又或者係用佢本身嘅機械方式嚟榨取食物嘅汁液，兼且一般嘅榨汁機亦有格渣功能所以就稱之為榨汁機嘞。
再簡單啲講；想用攪拌器嚟榨汁，就一定要加水。若果用榨汁機嚟榨汁，基本上唔需要加水嘅，就算要加都唔使加咁多 (因為有某類食物係冇乜水份)。

以上所講嘅牌子我認為好底用，其他牌子都 [好]，不過有啲就得個名，有啲就大牌子但就賣得貴而且又係國內製做嘅。若然係咁嘅情況，倒不如買我介紹嗰兩個牌子咪仲好。


希望可以解答到您嘅問題啦。Thanks.


)