感情問題??

直接告訴你....不要和那花心的女孩一起..不值得
明明和你戀愛期間..却喜歡上了別的男性...你如果和這個女孩在一起的話..往後的日子裡你能放心她一心一意對待你嗎?.....不會再喜歡別的男性嗎?
如果你不能完全拔掉這枝刺的話.....我會勸你放棄
免得在傷害自己多一次

咁睇吓你係咪真係好鍾意好鍾意佢先,如果係咪比一次機會大家囉,但我都明白心裏面可能會有條剌, 咁睇吓日後大家相處落會唔會張啲唔開心o架嘢淡化囉, 如果都唔得就無謂免強囉....最緊要同個女仔講係想比次機會大家,叫佢好好珍惜,你並唔係後備囉......祝好運啦!!!!

我都明白你既感受既.....

正所謂一次不忠, 百次不用, 你會有抗拒感都因為你太鍾意佢者, 正因為你太鍾意佢, 所以你害怕被佢再一次傷害, 因而害怕, 產生抗拒....

不過既然係咁, 我建議你俾多次機會佢囉, 正所謂人誰無過呢?

不過, 係你地再一齊之前, 你要明白一樣野同警告佢一樣野....

要明白既野就係佢當初會鍾意第二個係咩原因, 係你有咩唔好? 抑或果個男仔有咩比你好? 不過我覺得呢個問題佢可能會答唔出, 因為答得出既就唔係愛, 愛係無咩理智可言, 亦係最危險既事情.......

要警告既, 我諗唔駛我講你都知, 就係俾佢知機會唔會再有第二次, 唔係將來你只會變成佢既玩偶, 有好既就飛你, 到厭左又黎搵你, 世界上邊有咁著數???

另外贈你8個字, "疑人勿用, 用人勿疑", 如果你要再接受佢, 就要完全相信佢, 如果成日疑神疑鬼又對佢多番測試既, 到最後可能係雙方都痛苦, 甚至乎......而家上緊畫既<妄想>就係講呢d類似既野....

最後提多句, "過去既, 就由它過去", 將來發生咩事都好, 只要唔係呢件事再次發生就唔好再提啦! 除非果陣你打算飛佢啦!!!

可能個女仔想試下你係咪中2佢
依家失去左先知你係中2佢GE

如果你係真心鐘意佢的, 就應該放開懷抱俾多一次機會佢啦, 費事日後自己後悔啦, 如果兩次都分手收場就可以唔洗再諗佢啦

你話你仍鍾意佢, 咁佢又鍾意返你, 咪一齊番囉. 冇乜野好選擇.

雖然佢好似係一個見異思遷既人, 不過既然你仍然鍾意佢, 點解唔比多次機會佢搏佢會一心一意對你呢?? 雖然我唔知呢個值唔值得搏, 你先知道, 但係若果你今次選擇唔同佢一齊, 咁你自己個心又係咪真係好過??

你對佢果種抗拒, 會響再同佢一齊番之後自然消失. 若果唔消失, 起碼你知道原來一齊番後, 你會發覺自己原來又唔係咁鍾意佢啦~~

同佢響番埋一齊, 你會成長得更多更快.

首先，感情既野係雙向既；
佢話鍾意你，咁你呢?又鍾意又抗拒?即係點?
你自己要衡量一下。

信任都係一個問題：
你接受到佢曾經變心嗎?以後一齊既日子會唔會信任佢?
如果答案係否定，一齊都唔會幸福。

我建議你同你的女朋友傾一下內心點諗：溝通非常重要。
最後，人地阿媽既想法並唔代表你自己，
你應該正視自己既心意呀!

祝你早日解決到呢個疑難啦!

O下,咁個女仔咁易見異思遷你就要考慮下啦,一陣又話鍾意呢個,轉頭又話鍾意返你. 如果下次再有咁的情況出現咁你又點呢? 反正都只係拍左3個月,依家感情都未太深, 我覺得你都係觀察下先啦, 更何況你已經對佢有一種抗拒,一齊都可能會唔開心噃, 你考慮清楚先啦.
仲有拍拖係兩個人的事, 關佢阿媽咩事呢!?