如何製造一部紙飛機(注: 不是摺飛機)

我以前細個經常做呢種模型，主要係用卡紙一片一片咁樣黏合成一個厚紙板一樣既機身，而機翼就係用兩張紙重黏合而成，因為係照抄二戰時日、德戰機比例來做，所以機翼同機身既黏合位置係正確既，機翼會剛剛係機身既重心點，可以飛。

但因為咁樣黏合而成，機身非常之重，而且呢d戰機，機身同機翼設計其實係高速飛行用，手拋出既速度根本不足以俾飛機有正常「巡航速度」，飛起會好快drift down。

我建議你，搵一架慢速既真飛機既外型來做藍本，機身同機翼雖然都係用卡紙做，但千祈唔好式黏合，要用三角管過狀結構或者圓管形，機翼就用紙管就骨，再黏上薄紙做翼面。翼面弧度唔可以大，因為大就等於好大塊既flap，要好低速而又有好好既flight control system先可以控到，你無遙控根本就唔可以用好大既弧度。或者，你可以抄一架高翼機既機翼設計，由wing 闊到成個aerodynamic既形狀都抄足，只係長度上有變化就得啦。

每一張機翼都有一定既CL profile，詳細數據要做wind tunnel test先知，不過你唔需要咁樣做，機翼做好後，用不同重量，不同長度既紙管配落去，try and error咁試，就會搵到optimum既機身長度同重量，當然，試好之後，真正既機身，係有vertical stablizer同herizontal stablizer既，你要就一就，改改主機同機身黏合既位置。

最後，可以係主翼底部加重塊，飛機太重先慢慢減輕，模型飛機好易因唔夠重，飛得好肉酸。主翼要留位做aleron，後面要有elevator同 rudder，咁你就有機會較正架機啦。

初初無經驗造，唔好諗住搞好奇怪形狀既外形。用最簡單既高翼機既樣，甚至滑翔機個樣就好好啦。