✔ 最佳答案
我以前都有養狗，都有比剩飯佢食，不過唔多。
其實咁樣係對D狗唔健康架，
我以前覺得佢只係食D冇味既狗糧好慘，
所以就會比D我既野食同佢分。
後來我先知其實佢地既腸胃同人類唔同，
好多既我地食物中的油、糖、鹽都會令狗仔有腸胃問題，
問題未必馬上出現，但久而久之，可能會令佢地更短命或其他隱性病。
而且狗糧的營養比普通食物完善，所以你最好都係教佢食番狗糧啦！
好多動物都一樣，有一定的飲食習慣
所以若果你改變得太突然，咁就會出現你所講寧願餓到皮包骨都唔食既問題架！
其實要改就一定係用狗糧撈飯，
不過重點係份量的比重同改變的時間。
你可以以一個星期為一個改變的時段。
頭一個星期，狗糧同飯的比重係1:9；
第二個星期，狗糧同飯的比重係2:8；如此類推
我隻狗以前都係唔鐘意食狗糧，
我都係用le個方法架！
不過起初因為份量同時間改得太快，
所以佢根本就適應唔到。
飲食習慣係唔急得架！一定要比耐性慢慢幫佢改！
而且佢肯食時要讚下佢！
同埋記住D狗糧要keep住日日換！
雖然有時隻狗可能食都冇食過，但一定要保持新鮮架！
同埋狗的主糧應該係狗糧，
間唔中一個星期可以比2-3次罐頭，
但狗餅同零食間唔中比2、3塊已經好夠架啦！
如果唔係佢地會習慣左食濃味的食物而唔食淺味的狗糧架啦！
同埋你應該多D帶佢出街，
同狗仔出去行街係好開心架！
如果你真係時間忙，都最少每星期帶4、5次啦，
如果你自己唔得閒可以叫屋企人幫幫手嘛…
至於你隻狗鐘意咬人，
咁你出街時就一定要幫佢戴狗口罩，
如果咬到人真係可大可小架！
但我估你隻狗未必真係「鐘意」咬人，
只係可以本性較惡或都係想保護你！
我隻狗平時都好乖架，但當我「訓緊交」時，
只要有人走近我，即使係我媽媽或妹妹佢都會唔理三七廿一就勁惡咁吠。
因為我同佢係最好感情，所以佢係好保護我。
我諗，或者你隻狗都係。
所以下次當佢勁吠，好似想咬陌生人或你D朋友時，
你要好惡咁喝住佢，等佢知唔應該咁做。
如果都係唔聽，就要「作狀」用手板打佢個頭，
但如果都真係唔得，就真係要用中等力度打幾下PatPat架啦！
其實狗係好聰明同忠心，
佢地會知道邊個對佢最好，
所以只要花多D時間陪下同教佢，
佢自自然然就會聽你話架啦！
