✔ 最佳答案
消毒敷料即係"已經消毒的無菌敷料",並唔係幫傷口消毒的,作用是敷在傷口上,減少傷口跟外界的接觸,以免再受感染。
由於讀英文,所以唔係好肯定"黏性敷料"係指減低傷口同敷料既黐埋一齊既情況既敷料,定還是指一d一開已經可以直接黐上去傷口既敷料,唔駛用膠布或者繃帶
藥棉要黎清洗傷口
膠手套用黎減少傷者和急救員的直接接觸,一方面減少急救員雙手可能有的細菌會接觸到傷口,(因為唔係下下都有得洗手,基本上都係洗左手先去做野好d既~)二黎你唔知個傷者有咩病,戴手套係保護返個急救者既,因為好大機會會接觸到傷者血液,係非常危險的。
小盆用黎放架生用的,d用具拎到出黎,如果周圍放就會整污糟哂,用左呢d污糟既工具就會增加傷者受感染既機會
剪刀用黎剪開傷者既衣物,或者剪繃帶,剪膠布等等,
鑷子就用黎夾住d棉花幫個病人洗傷口, 唔駛急救員直接接觸傷者傷口
安全別針用黎扣好繃帶,等繃帶可以堅定好d位置
藥用火酒唔好以為用黎洗傷口, 查實係用黎消毒用具架!
體溫計就梗係探熱啦!
仲有冇其他問?
箱入面既用具唔止咁少bor~