我的小狗病了..........

1.我建議你觀察多buzz 2-3日,如果情況沒改善,就要轉醫生看看,
2.我都同醫生一樣,建議你比buzz食多d野,因為小狗係要食多d野先夠強壯,我養的2隻芝娃娃小時都好多病痛,醫生都係話要佢地食多d野,咁先夠抵抗力.
3.照你所講的病情,你的小狗的病可能好嚴重,又可能冇咩事,嚴重的可能係腸炎(痾血),狗瘟(有鼻涕),輕微的可能係結腸炎(小事好多,不會致命的),感冒.不過無論係咩情況,你都應該照着醫生吩咐同佢食藥,我的小狗之前有肺炎都食咗成個月藥先好,所以你要比d耐性呀,
4.我建議你比d較健康的食物給狗狗,如乾糧(其實乾糧都好夠營養,其他雜食反而營養唔夠全面)我的小狗食royal canine,好似香d,我的小狗都幾鍾意食.另外,診所的姑娘教我蒸急凍雞胸肉(超級市場有一包包既賣,一塊塊,好方便,每次蒸1-2塊都夠),然後撕碎佢比小狗食,如果想香d,可加bb food(又係係超級市場買,比人既bb食,好似糊仔個d),雞肉味,我2隻小狗勁鍾意食,每次都好開心.
5.現階段小狗未病好,就比佢食得健康d,之後只要小狗愛食的,你都可以給牠,(但最好都係要健康的,因為我之前大的那隻就係亂食野(包括西莎個d,其實好油下架),有結腸炎,都要食2個星期藥)
6.記得係呢2-3日睇實小狗的情況,有咩事都係要即刻睇醫生,因為狗瘟有潛伏期(約2星期),如果發現得早(可在醫生處check)一定有得醫,唔係死梗架.
7.你講個間寵物店都幾出名(你現在知點解啦),不過其實買小狗都要講彩數,但更重要的是主人的全力照顧同愛錫,佢地知架,
p.s.祝buzz早日康復!

直到現在Buzz無去幾多日大便?有幾多日無去過小便?可唔可以詳細講清楚?

不如妳試試帶Buzz去這間獸醫診所一試!
診所名:享和動物醫療中心
地址:荃灣享和街84號安豐大廈地下 電話:24903732 急診電話:73888076
陳學維醫生(預約時指明)
這個獸醫是綱上的一位綱友介紹我的,我自己都有帶我的狗狗去睇呢個醫生~我亦有介紹綱友去(綱友的狗狗唔行進食同嘔左三日),這個醫生我睇過後覺得幾得,因為未去到診所睇前護士姐姐會問清楚狗狗因咩事要睇獸醫,和妳打去時狗狗的情況如何?讓醫生可以進一步了解狗狗的情況從而對正下葯~

診金不是好貴,$180元(葯費和其他另計)妳可一試~

如有其他問題,可send e-mail或打比我都得[email protected]
my tel:62547847 miss elsa

唔係鬧你呀! 不過一早講左勝利道既petshop無間好, 就連凌志係出晒名既黑店你都無留意, 貴婦b有病好難醫, 要儘早醫好, 尤其現在天氣凍, 你千其唔可以冷親佢, 你問下間黑店小狗幾時杜過虫, 如果剛杜虫兩日all血便都有可能, 但你狗狗有無食過野? 如果佢食得訓得你都唔洗咁担心住, 如果係狗瘟及腸病毒未病發醫生check唔到架, 只能靠你所講既病徵已斷症, 而你帶佢去body check時都未知佢有咩唔妥, 你唔好食凌志開既葯, 可能係興奮劑, 打去漁護處投訴佢, 佢地唔可以開葯的, 你都唔好再帶狗狗返petshop, 因為佢會拎入間房到幫狗狗打多支針, 要狗狗辛苦多一日, 你要留意狗狗有無唔食野, 一定要迫佢食野, 唔食野神仙難救, 你睇下佢鼻水有無轉黃綠色, 自己幫佢探熱, buzz無去過大便, 可能消化唔到食物, 你試下禁下佢下顎, 睇下有無嘔, 如果有睇下d狗糧係咪原粒咁嘔返出黎, 係的話就係佢消化唔到, 根本未落到個肚, 何來會大便呢? 要盡早睇醫生, 我建議你去太平道成功車行側搵麥子健, 佢係狗瘟聖手! 你唔好再去凌志理論喇, 醫返隻狗先, 醫唔返拎晒所有單據醫生信去消委會投訴退錢, 及去漁護處投訴, 間黑店一定會大你, 又話俾你換隻, 佢俾你換又點? 咪又係另一隻病狗, 佢地專賣大陸狗, 唔係因為清貨先半價, 係d狗返都係一兩百蚊隻, 賣二千蚊已經賺到笑, 張針咭係邊間開架? 唔好再去果間獸醫到睇喇!

狗狗訓醒應該好活潑, 如果佢牛牛下已係病梗喇

sorry, 其實我都唔想傷害你..不過你係呢間衰野買多數會係病貓狗..你做定心理準備...年前我朋友係上述用8000蚊買左隻摺耳貓, 2日就死左..嗚~~~就算佢肯/你捨得換過隻, 結果都會一樣..
佢地賣大陸有狗瘟/ 腸炎既pets, (病徵係唔食野, 後期唔飲水, 肚屙, 流鼻水等)基本上係無得醫嫁~~~知唔知點解狗狗要打3支針?因為就係要防呢種至命既病, 傳染性好高, 基本上未打齊針既狗一經接足到有病既狗就一定會病。點解佢地係pet shop唔會死??其實狗店每晚收舖都會幫佢地打針, 釣住條命~~咁你買左佢返去, 無針打, 咁情況咪會一日差過一日囉。仲有, 如果你亞buzz真係咁唔好彩咩左, 你記住短期內都唔好再養, 因為病菌會逗留好耐都唔死。
祝亞buzz早日康復~~