教教我呀!!!~10分呀~點樣可以說服爸爸讓我養狗?

首先問問自己點解會十分喜歡狗狗，鍾意到「非養不可」的地步?
如果以你仲同緊屋企人同住的情況來睇，再加上你未識「搵錢」(假設)，咁發言權係弱些少架喇。

我建議你可以向爸爸了解一下佢堅決拒絕唔比養的原因；因為如果你過唔到佢呢關，日後就算比你好彩「Yo」到佢比你養，一旦隻狗有咩事 :病、咬人、破壞家中物件、不適應而吠吵、大小二便的清理等問題，佢都會朝著來囉唆你。(個人經驗)
同埋你都知啦，當一個人不需負上責任時，都會同動物相處得非常愉快，玩完洗洗手就走…但要你定時定後同佢大戰捉佢去沖涼、落手清理佢的排泄物時，咁就唔係講玩，索涉到責任問題。你要清楚自己唔係三分鐘熱度貪好玩，棄養就送去愛護動物協會咁簡單。
亦要睇睇屋企人喜歡狗的程度是如何? 起碼不是十分抗拒，鼻敏感果隻，如果他們都喜歡狗，多左屋企人幫手照顧，咁會好D，你亦會輕鬆D。否則狗都會知邊個人錫佢 ; 邊個討厭佢，佢都有情緒…我諗你都唔想到時候先「兩邊討好」卦? 屋企唔多時候有人陪狗狗的也不太好，因怕牠易有情緒問題、不安、悶。

如果你都未有十足把握的信心，你可以問下邊D朋友有狗，大家傾下分享心得難處，或去佢屋企探訪親身感受一下，到時再決定啦。
再唔係，你可以上網搵一些慈善動物團體，佢地都好需要有義工幫手搞下狗狗活動，狗場探訪、助養活動，等自己了解一下先再決定養唔養，同埋依居住環境來決定養什麼類型的狗。(例如，你家中活動面積小，在市區，就難養大型狗 ; 附近多鄰居，密度高，亦要知道有些品種的小型狗喜歡嘈叫，可能會騷擾到鄰居。)

希望你經細心考慮後，選擇出一個對你自己、家人及狗狗們一個最好的方案。

養狗唔係玩，要想清楚大夏是否準飼養，特別係公屋真係唔好養，因為依家房屋處唔會再發出暫準養狗証。

而且養狗係照顧佢一生一世，唔好當佢大左就覺得佢唔可愛或生病而唔要佢，因為太多人都是突然間好鐘意買左回到，但最後又會用重重原因唔要佢，狗是一重好有靈性的動物。

你可以和爸爸說我想清楚了，不會遺棄牠。

你係男仔定女仔先, 通常女仔會易呃老豆多d果噃!

不過既然你米飯班主都話唔俾養, 咁你仲可以點? 你又未有本事自己賺錢養佢, 萬一唔好彩隻狗狗病, 邊個俾錢醫, 連搵錢果個都話唔准養, 更何況俾錢醫佢?? 無得教, 我讀書時都唔敢咁多要求, 主要讀好書先, 到我出黎賺錢時老豆無咁惡喇, 我一喊佢咩都會應承, 果時執到狗狗佢夠話唔幫我養啦, 我一喊就即刻話好啦! 你搵到人好送佢走喇!

如果我係仔? 打到我跳舞呀! 等你快d出黎賺錢先啦, 養狗唔係玩架!

2006-11-03 13:39:04 補充：
咁你平時除左返學訓覺最多做d咩? 例如打機上網咁, 你同老豆講我犠牲我既興趣全部照顧狗狗得唔得, 為左表示你既誠意, 將零用錢, 利是錢儲起, 自己出返份錢都理所當然, 證明俾佢睇你既決心

佢應該係覺得你會唔識照顧隻狗同埋要好多錢,所以唔俾你養,如果你真係諗清楚同埋肯定唔會拋棄佢ge.....你先做d野俾你daddy睇,證明你已經識得照顧自己同其他人, 再同佢講下.....或者你同佢講話你用自己D錢黎養狗law......
呢D都係suggestion, 希望你daddy會俾你養狗啦~

你老豆WHY不給你養狗？一定要先搞清楚原因。
如果是大廈里不能養，那也沒辧法呀！
如果有其他原因，你再補充吧！

You say you must take care it.

i really realize yr situation...

being a father, the most important criteria to let his son/daughter to owe a pet is that he or she has to show enough responsibility towards the pet with a caring heart.

hope u can succeed