暗倉後期嚴重問題!!

首先引述番我之前用過的回答：
我以前生好多暗瘡，真係唔覺有護膚品係有效，我買了很多很多，極其量只有短期、少量好轉。後來我了解到生暗瘡係須要「藥物」，係皮膚科醫生開給你那些，千祈唔好亂搏成藥，我都衰過好多鑊。皮膚科係貴，但只係一段短日子就會好番，之後才花錢買護膚品保養保養嘛！否則，亂試產品，延誤就醫，可能會留下痕跡，好似我就係人版。偏偏我細妹又係唔信，係都要用護膚品，唔肯睇醫生，到爆哂瘡先知衰，死哂狗去搵醫生，依家無再出暗瘡，但D印真係有排攪。

其實你可以去某類型診所（D大間D，有幾個醫生個類通常有，平過掛正招牌皮膚科醫生個D），做AHA+BHA療程，大約四次一個療程，每星期做一次，平的診所$1,500，貴的$3,500，大概價錢。美容院都有d有得做，但我唔敢試。做AHA初期，裡面D酒米一支支咁撐出塊面，個排超樣衰，醫生叫我唔好擠，我最後忍唔住用面膜黐出來，嘩多到你唔信！不過，有人要隔幾個月咁KEEP住做，當做FACIAL，你聽醫生講咪得囉！