尖沙咀有邊間川菜館又平又好食

漢京樓 (北京菜館)啦. 雖然話係北京菜, 但其實都有辣菜 ka. 地址 = 尖沙咀漆咸道南79號中國五礦大廈3樓. 電話係 2723-2915. 設有代客泊車, 4小時 / $50.

佢地 D 師傅真係全由北京黎 ka. 做 D 拉麵飽點好正宗! 價錢又唔貴. 一定要試既係山東燒雞. 香港冇乜地方有得食 ka la.......好入味......又唔油.....仲跟一碗好惹味既汁 ka tim!

如果想去 D 'yeh' D 既四川菜館. 可上諾士佛臺, 有間叫天與地既. 正宗川菜黎 ka. 裝修幾靚幾好坐. 開到零晨1點 ka. 地址係 / 尖沙咀諾士佛臺6號地下及1樓 (電話: 23678428).

雲陽閣川菜館
Yunyan Szechuan
地址: 尖沙咀金巴利道美麗華商場4樓A
電話: 2375-0800
菜式: 四川菜
消費:每人$150-$300
一句到尾,試得過!味道已輕輕調節以適合港人口味,有辣有唔辣,必食之選,豆酥鮭魚,沙薑雞湯,懷舊飲品紫背天葵(小小似利賓納)及八寶茶!比得起每人$200+的,整體來說無令我失望。

滿江紅
地址: 尖沙咀加連威老道27號1樓及2樓
電話: 2312 0823
菜式: 四川菜
消費:每人$100-$150
突然想食濃味一點o既食物,所以同屋企人去左滿江紅食川菜,諗住刺激一下味蕾！我地決定叫小菜,有幾味都確實唔錯,可以推介一下。水煮桂花魚：嘩！簡直係我的摯愛！碟魚一上檯就聞到好香,辣度同麻度都可以接受（remark：本人都算幾食得辣)。魚片好滑（最緊要無骨!)o係碟底o既青瓜同粉皮入晒味....總之就正！蒜泥白肉,肉質鞋左少少,不過個汁調得好味,表妹仲叫waiter留番d汁俾佢撈飯添！石頭泡椒田雞,熱辣辣o既石春幫助保溫,田雞夠滑溜 。上湯竹笙野菌,竹笙吸晒上湯,清清地,中和水煮魚o既辣,明智之選。下次諗住試下其他野...不過水煮魚is a must！