男朋友遊手好閒

我...岩岩分左手個令禮拜咋。
分左手仲好似我對唔住佢d咩咁...
到分手果一刻佢都唔知自己衰咩，
我為咩要同佢分手=.=!!
而家仲要有個新女友添，
幾快...我都未搵佢就搵啦~~
果陣仲話幾愛幾愛我...晒氣!!

話說...呢個男朋友對我都好好架，
可惜讀書做野果方面...無眼睇~~
讀書嘛~~考試叫佢溫書...
口就話溫話溫，究竟有無溫呢!?
睇下佢出d咩成績咪知囉~~
仲要同我講2科肥左都可以升班，
升佢個頭，而家升咩...
咁repeat啦~~有半年無堂啦~~
理應就去搵工既...
又係話搵話搵囉~~有無搵唔知佢!!
好啦~~佢阿媽勁，幫佢係自己身邊加插個位，
但係佢本人唔多願做喎~~
要我開口叫佢去做先做。
諗住分手前為佢做返件好事啦，
點知轉個頭分左，
唔單止拖條女，仲要唔做埋份工。
咪話我累到佢唔做野呀!!

咪以為我同佢5個月一直成忍，
我有同佢講架...
但係佢答我...我係咁架啦~~
係無上進心，係搵唔到$$架啦~~
就係佢呢句，我肯定同佢唔會有將來。
所以無耐就同佢分手啦~~

我諗我都係勸你...算吧啦!!
即使再愛自己，
現實中無可能有情飲水飽架>___

2006-11-02 13:49:08 補充：
古語有講，寧教人打仔莫教人分妻，我都係迫於無奈先咁同你講架咋!!希望你可以自己諗諗佢啦~~!!

2006-11-02 13:51:01 補充：
果陣仲要AA制喎，咁我諗住佢仲讀書我做緊野，無緊要啦~~費事佢成日向屋企要$$等佢屋企對大家都有個好印象啦~~而家唔使有lu~~各而成個人鬆晒。

做人最重要有上進心，一個冇上進心，遊手好閒的男人，即使對你幾好，過多幾年
時間，你會認為這樣你好開心嗎？最初你可能會，但人會長大，日子一日一日咁過
去，你看見自己及身邊的人，不斷努力，事業有幾好，我不是叫你找個很有錢的人
，而是最少他不能遊手好閒，應該找份工做，做人不能這樣，做男人更加唔可以咁
，難度將來要老婆養他嗎？

女人的青春有限，你可以給他時間，比一次機會大家，但總會有個期限，過左幾年
佢都係咁，你還會跟他一起嗎？我想你會埋怨他沒有上進心，我不介意跟男朋友，
老公去捱，但一個遊手好閒，沒有上進心的人，你跟他一起會有幸福嗎？到時候
你會對你現任男友很多怨言，很多不開心，既然是這樣，不如放棄，我曾經有個
男朋友都好像你男友咁，他若想跟你有將來，不會這樣，況且他這樣對他自已都
不好喇，是嗎？我不知你男友幾大，如果已經二十五，以上，三十多，都是這樣，
唉！！！！你應該想清楚

唔改我會分手

找份工給他,比些鼓厲他.和他一起度過難關.

你男友幾大先 ? 20 同 30 好大分別
20 歲 都仲可以接受, 因為都仲細
30 歲 咁你要諗下你將來想點過啦

對你幾好 ? 定義即係點先, 送下花, 行下街, 睇戲食飯
你自己咩年紀先 ? 如果仲細, 可以繼續enjoy 佢對你好包容佢唔上進
但你年紀唔細, 我諗你都唔想反過黎要包起佢嘛,
做男人, 要有骨氣, 兩邊肩膀擔得起一頭家
幾好幾鐘意, 有時都要向現實低頭

有情飲水飽 ? 第日等打交...

我都曾經有過一個好似你講咁gei男朋友, 一模一樣ga, 佢唔讀書, 又唔做野, 仲係完全無打算述返書或者出去搵野做, 日日剩係o係屋企打機, 我放工就黎接我... 無錢就問屋企攞, 但係通常出街都係我俾錢... 不過佢係對我好好ga

我同左佢一齊岩岩一年我就同佢分開喇, o係o個一年裡面我放第一個暑假時識佢, 咁佢唔讀書, 算啦~當玩一個暑假囉, 咁放完假我就中五喇, 佢都仲係全職打機, 我試過勸佢, 同佢講道理, 試過發脾氣逼佢做d野, 最後仲忍唔到要鬧佢tim, 但係佢都仲係咁, 話會做野話會做野, 好喇到我考埋會考, 放第二個暑假佢都仲係咁...一次又一次勸佢, 俾機會佢..到有一日我都講到唔想講唔想鬧喇, 我真係可以話俾你聽, o個一刻我完全明白 (講都晒氣) 係點解呀, 因為真係無用ga
咁ok啦...既然我用一年時間都改變唔到佢, 咁就算佢對我再好都無用, 我都係choose分手, 因為生活始終係生活, 你話如果要再花幾年時間等佢變, 又或者預期係無了期咁等...倒不如我依家放棄佢搵個識唸gei好過, 我唔係話要個男朋友身家百萬定係雄心壯志, 但係最少佢要識唸, 要上進丫, 係咪先? 個問題唔係愛情同面包揀邊樣, 而係你同一個咁gei人一齊根本冇面包俾你揀... 所以都係醒吧啦, 揀愛情都要揀得聰明d, 最起碼最起碼你揀o個個人係要俾你睇到將來囉~

到依家唸返起, 當日同佢一齊...我簡直覺得自己製造左個笑話....=.= 真係唸起都想笑, 好笑在點解o個陣咁天真以為可以勸到佢.. 最後我同佢分開左之後, 佢好認叻咁話俾我知佢去讀書, 話 (讀幾年之嘛!!) 咁...俾我知佢依家識得唸喇, 等我會後悔同佢分開... 但係其實我都畢左業咯, 咪慢慢讀囉=oo=

勸下佢先lo.無咩理既就要鬧下佢喇!_!.........
佢有少少進步就要讚佢同錫多d佢.....
咁就可令佢有進步既動力^_^"

如果佢真係對妳好, 又點會冇上進心
最少都會為妳而做 ( 例如為了令妳生活更舒適, 為結婚準備... )

PS: 我係男來的 ( 我都同女友Save緊錢, 平時出街所有錢都係我比, 連手提電話費都係我比 ) 這些我認為係基本男友都要做的

如果想同佢結婚咪鼓勵佢上進d囉！如果只係拍下拖無諗將來嘅就管唔到咁多啦！

嘗試改變他, 最起碼他要養起自己.
如果他依然這樣的話, 我勸你跟他分手比較好.

你養起自己再養男友,咁就咩事都冇