貓貓好驚亞哥同亞爸, 點算 ?

我相信佢哋好大可能打過佢，就算冇打過都一定凶過佢；因為貓係絕對識得分辨善與惡，當佢意識到你對佢作出的動作不友善的話，佢一定會作出反擊，以後見到你都會作出介備的狀態；因我養那隻貓咪的情形跟你那隻一樣，本來佢見到我嗰個家人,都會好自然瞓係地下道好可愛咁碌嚟碌去，我喂佢食嘢佢都無咁對我呀！佢淨係會嗲吓我咋。但好奇怪地有日佢忽然見到嗰個家人態度變晒，好似見鬼咁縮埋對耳介備狀態咁邊行邊望住佢，動作好奇怪簡直一反常態；後來我先知道原來佢趁我哋不在時，貓咪用同我哋玩嘅方法同佢玩，就係突然從遠處撲出用雙手抱住人隻腳，佢唔高興此舉令佢龍體受驚及驚會弄跌佢，所以就用長木條打佢，所以之後見到佢都好似見鬼咁。所以我懷疑佢哋都可能打過你隻貓咪，如果佢之前都肯比佢哋抱的話！如果想改善関係的話，叫佢哋對佢態度温柔D，同佢講嘢細聲D，貓咪鍾意人地同佢哋細聲傾偈，同埋比多D零食佢食，比D時間佢一定可以改善

試下由你哥哥同阿爸負責餵佢食佢喜歡的食物，以及當貓貓食緊野時溫柔地摸下佢，久而久之，佢會明白邊個係對佢好的，咁自自然然唔會驚。

如果唔係你亞哥及亞爸做過一d嚇親佢既事的話...有可能佢地身上真係有一d貓咪唔鍾意既氣味喎...我女友隻貓都係咁...平時對我千依百順(而家我連佢肚仔都摸得...基本上佢好冧我...:P)...但我有時食左某D野去見佢時...我摸佢都還可以...但係我一哄埋塊面過去佢即刻出爪又fee我咁...我諗都係因為有d氣味佢唔鍾意lor...

你亞哥同亞爸的身上可能有陣味,隻貓唔鐘意。
你亞哥同亞爸係咪打∕嚇過佢?